तनहुँमा राहतमा सडेको चामल बाँडियो, एक-अर्कालाई दोष दिँदै जनप्रतिनिधि
<p>तनहुँ। बन्दीपुर गाउँपालिका वडा नम्बर ५ ले कल्चोक क्षेत्रका केही घरपरिवारलाई वितरण गरेको चामल सडेको र ढुसी परेको भेटिएको छ।</p>
<p>चामलको रङ कालो भएको र अमिलो गन्ध आएको भन्दै स्थानीयले गुनासो गरेका छन्।</p>
<p>चामल पटक-पटक पखाल्दा पनि कालो नगएको तथा एक/दुई छाक पकाएर खाँदा स्वादै अर्कै आएकाले कुखुरा र सुँगुरलाई कुँडो बनाएर खुवाउन थालिएको स्थानीयवासी रेशम विकले बताए।</p>
<p>गाउँपालिकाका अध्यक्ष पूर्णसिंह थापाले राहत वितरणका लागि वडालाई नै जिम्मा लगाइएको जानकारी दिँदै लापरवाही गर्नेलाई कारवाही गरिने जानकारी दिए।<br />
<br />
वडाध्यक्ष ध्रुवप्रसाद लामिछानेले वडा सदस्यलाई सो क्षेत्रमा राहत वितरण गर्न जिम्मेवारी दिइएकाले चामल कस्तो पर्‍यो भन्ने आफूले थाहा नभएको बताउँदै सडेगलेको चामल बिक्री गर्ने थोक बिक्रेतालाई कारवाही गरिने दृढता व्यक्त गर्नुभयो।</p>
<p>उहाँका अनुसार उक्त चामल फिर्ता गरी आजै अर्को वितरण गर्न लागिएको छ।<em>रासस</em></p>
प्रतिक्रिया दिनुहोस्
.jpg)
