प्रम ओली र भारतीय प्रम मोदीबीच टेलिफोन वार्ता
<p>काठमाडौं। प्रधानमन्त्री केपी शर्मा ओलीले आफ्ना भारतीय समकक्षीसँग आज बिहान कुराकानी गरेका छन्।</p>
<p>प्रधानमन्त्री ओलीले भारतका प्रधानमन्त्री नरेन्द्र मोदीसँग टेलिफोन संवाद गरेको ट्विटमार्फत जानकारी दिएका छन्। </p>
<p>“कोरोना भाइरसका विरुद्धको सहकार्यलाई अझ सशक्त बनाउने विषयमा हामी सहमत भयौं।”, उनले लेखेका छन्,“लकडाउनको कारण एक अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा जोड दियौं।”</p>
<p>प्रधानमन्त्री ओलीले आपूर्ति व्यवस्थालाई निरन्तर कायम राख्न र थप सहज र सुचारु राख्न पनि छलफल भएको जानकारी दिएका छन्। भारत सरकारले उपलब्ध गराउने औषधि लगायतको सहयोगको लागि कुराकानीका क्रममा प्रधानमन्त्री ओलीले भारतीय प्रधानमन्त्रीलाई धन्यवाद दिएका छन्।</p>
प्रतिक्रिया दिनुहोस्
.jpg)
