सप्तरीकाे गजेन्द्रनारायण सिंह अस्पतालमा तोडफोड
<p>समयमा डाक्टर ड्युटीमा नबसेको भन्दै उनीहरूले अस्पतालमा तोडफोड गरेका हुन्।</p>
<p>अर्थोपेडिक विभाग हाडजोर्नी तथा नशा रोगसम्बन्धी विशेषज्ञ डा. ज्ञानेन्द्र झा र डा. प्रनेश यादव अस्पताल नआएपछि आक्रोशित बिरामीका आफन्तले तोडफोड गरेको अस्पताल स्रोतले जनाएको छ।</p>
<p>बिरामी जाँच्ने कोठामा क्षति पुगेको अस्पताल प्रशासनकाे भनाइ छ।</p>
<p>तोडफोडमा संलग्न भएको आरोपमा राजविराज नगरपालिका–१ का २२ वर्षीय गुञ्जन झालाई पक्राउ गरेको प्रहरी नायब उपरीक्षक तिलक भारतीले जानकारी दिए। </p>
<p>यसैबीच अस्पताल प्रशासनले डा. झा बिदामा रहेको र अर्का डा. यादव आपतकालीन कक्षमा बिरामीको उपचार गरिरहेका बेला तोडफोड भएको जनाएको छ। <em>रासस</em> </p>
प्रतिक्रिया दिनुहोस्
.jpg)
