Others

गृहपृष्ठ

कोभिड-१९ विरुद्ध खटिँदा मृत्यु भए परिवारलाई ५० लाख राहत दिने प्रदेश २ सरकारको निर्णय काठमाडौं। प्रदेश २ सरकारले कोभिड-१९ को रोकथाम, नियन्त्रण तथा उपचारमा खटिँदा मृत्यु भए पीडित परिवारलाई ५० लाख रूपैयाँ राहत दिने निर्णय गरेको छ।   आज बसेको मन्त्रिपरिषद्  बैठकले कोरोना महामारीको नियन्त्रण, रोकथाम तथा उपचार कार्यमा संलग्&zwj;न हुने निजामती, अन्य सरकारी कर्मचारी, गैरसरकारी वा निजी क्षेत्रका स्वास्थ्यकर्मी, एम्बुलेन्स चालक र सहयोगी स्वास्थ्यकर्मीको कोरोनाको सङ्क्रमणका कारण मृत्यु भए पीडित परिवारलाई सो रकम उपलब्ध गराउने निर्णय भएको सरकारका प्रवक्ता एवम् आन्तरिक मामिला तथा कानूनमन्त्री ज्ञानेन्द्रकुमार यादवले जानकारी दिए। बैठकले लकडाउनका कारण किसान पीडित भएको भन्दै बैंक तथा वित्तीय संस्था वा सहकारीबाट लिएको ऋणको चार महीनाको व्याज प्रदेश सरकारले निर्णय गरेको छ। कृषि फर्मका लागि किसानले पाँच लाखसम्म लिएको ऋणमा अधिकतम १२ प्रतिशत सम्मको ४ महिनाको व्याज तिर्ने भएको हो। पाँच लाखदेखि १५ लाख सम्मको ऋणमा १२ प्रतिशत सम्मको व्याजदरमा ५० प्रतिशत, १५ लाखदेखि ३० लाखसम्म ऋणमा ४० प्रतिशत र ३० लाखभन्दा बढीको ऋणमा कृषि सहकारी तथा भूमि व्यवस्था मन्त्रालयको सिफारिसमा मन्त्रिपरिषद्ले निर्णय गरे बमोजिम व्याज तिरीदिने निर्णय गरेको सरकारका प्रवक्ता यादवले बताए। साथै दूध, फलफूल, तरकारी, कुखुरा र माछा व्यवसायको लागि पनि राहत उपलब्ध गराउने निर्णय भएको छ । रासस