काेभिड-१९: सुदूरपश्चिमबाट आजसम्म एक हजार ६९५ जनाको नमूना संकलन
<p>कैलाली। कोभिड-१९ को पीसीआर प्रविधिबाट परीक्षणका लागि नमूना संकलन थालिएको ५८ दिनमा सुदूरपश्चिम प्रदेशबाट एक हजार ६९५ जनाको नमूना संकलन गरिएको छ।</p>
<p>प्रदेश स्वास्थ्य आपत‍्कालीन केन्द्र डोटीले दिएको जानकारी अनुसार १ फागुनदेखि नमूना संकलन शुरू गरिएकाे थियाे।</p>
<p>प्रदेशका विभिन्न अस्पताल, नेपाली सेनाको टोली र संघीय सरकारले पठाएको टोलीले नमूना संकलन गरेका हुन्।</p>
<p>प्रदेश स्वास्थ्य आपत‍्कालीन केन्द्रका अनुसार अहिलेसम्म २६३ जनाको मात्रै परीक्षण गरिएको छ। २७ चैतसम्म १९१ जनाको नमूना परीक्षण गरिएकोमा आज थप ७२ जनाको नमूना परीक्षण गरिएको हो।</p>
<p>त्यस्तै आजै प्रदेशमा स्थापना भएको प्रयोगशालामा पाँच र राष्ट्रिय जनस्वास्थ्य प्रयोगशालामा ६७ जनाको नमूना परीक्षण गरिएको हो। २६३ जनाको थ्रोट स्वाबको नमूना परीक्षण भएकोमा अहिलेसम्म चारजना बाहेक सबैको रिपोर्ट नेगेटिभ आएको प्रदेश जनस्वास्थ्य प्रयोगशाला धनगढीले जनाएको छ।</p>
<p>यसैगरी कैलाली र कञ्चनपुरसहित सुदूरपश्चिमका पहाडी जिल्लामा कोरोना भाइरसको र्‍यापिड टेस्टले तीव्रता लिएको छ।</p>
<p>यसअघि कैलाली र कञ्चनपुरबाट संकलन गरिएका थ्रोट स्वाब र रगतको नमूनालाई र्‍यापिड डाइग्नोस्टिक टेस्ट र पीसीआर मेसिनमार्फत् परीक्षण गरी विश्वसनीयता मापनपछि मात्रै र्‍यापिड टेस्टलाई अगाडि बढाउने भनिएको भए तापनि विश्वसनीयता मापन नगरी र्‍यापिड टेस्टले तिव्रता पाएको हो।</p>
<p>कैलाली र कञ्चनपुर तथा पहाडी जिल्लामा अहिलेसम्म ८३९ जनाको र्‍यापिड टेस्ट गरिएकोमा सबैको रिपोर्ट नेगेटिभ आएको छ।</p>
<p style="text-align:center"><img alt="" height="1397" src="https://www.dekhapadhi.com/storage/photos/shares/COVID-19/aaptakalin report supa.jpg" width="1080" /></p>
<p> </p>
प्रतिक्रिया दिनुहोस्
.jpg)
