काेभिड-१९ उपचार काेषमा युरोपस्थित नेपाली राजदूतहरूले एक महीनाको पारिश्रमिक जम्मा गर्ने
<p>काठमाडाैं। युरोपका विभिन्न ९ देशमा रहेका नेपाली राजदूतहरूले एक महीनाको पारिश्रमिक नेपाल सरकारले स्थापना गरेको कोभिड-१९ उपचार कोषमा जम्मा गर्ने निर्णय गरेका छन्।</p>
<p>आज भएको भिडिओ कन्फ्रेन्सका क्रममा ९ वटै राजदूतहरूले यस्ताे निर्णय गरेको डेनमार्कस्थित नेपाली राजदूत युवनाथ लम्सालले <em>देखापढी</em>लाई जानकारी दिए।</p>
<p>जर्मनीका राजदूत रमेश खनाल, डेनमार्कका युवनाथ लम्साल, बेल्जियमका लोकबहादुर थापा, अष्ट्रियाका प्रकाश सुवेदी, फ्रान्सका दीपक अधिकारी, स्वीजरल्याण्डका मणि भट्टराई, बेलायतका दुर्गाबहादुर सुवेदी, रसियाका ऋषि घिमिरे र स्पेनका राजदूत दावा शेर्पाले एक महीनाको पारिश्रमिक कोषमा जम्मा गर्ने भएका हुन्।</p>
<p>युरोपपछि नेपालमा समेत कोरोना भाइरसको संक्रमण फैलिएपछि निरन्तररूपमा यसकाे रोकथाम र नियन्त्रणका विषयमा भिडिओ कन्फ्रेन्समार्फत् युरोपमा रहेका राजदूतहरूका बीचमा छलफल हुँदै आएको डेनमार्कस्थित नेपाली राजदूत लम्साल बताउँछन्। “युरोपमा नेपालीहरूको सुरक्षा र स्वास्थ्यप्रति हामी जति चिन्तित छौं, त्यत्तिकै सक्रियतापूर्वक दूतावासमार्फत् युरोपमा रहेका नेपालीहरूले दिन सकिने सेवा र आवश्यक सहयोग गरिरहेका छौं,” राजदूत लम्सालले भने, “नेपालसमेत यसको उच्च जोखिममा रहेकाले सरकारले स्थापना गरेको कोषमा सहयोग गर्नु दायित्व सम्झेर यो निर्णय गरेका हौं।”</p>
<p>राजदूत लम्सालले युरोपमा रहेका नेपालीहरूलाई कुनै समस्या परेका सम्बन्धित देशका दूतावासहरूमा सम्पर्क गर्नसमेत आग्रह गरेका छन्।</p>
प्रतिक्रिया दिनुहोस्
.jpg)
