म्याद गुज्रिएका सामान बेच्नेलाई तीन लाख र बढी मुल्य लिने पसललाई दुई लाख जरिवाना
<p>काठमाडौं। वाणिज्य, आपूर्ति तथा उपभोक्ता संरक्षण विभागले एक मासु पसल र दुई किराना पसललाई कारवाही गरेको छ।</p>
<p>म्याद गुज्रिएका र बढी मुल्यमा बिक्री गर्ने ती पसललाई जरिवाना गरिएको हो।</p>
<p>विभागका निरीक्षक दीपक पोखरेलका अनुसार बजार अनुगमनका क्रममा बढी मूल्यमा मासु बिक्री गरेको भेटिएपछि नयाँ बानेश्वरस्थित आइकालु मिट सेन्टरलाई दुई लाख जरिवाना तिराइएको छ।</p>
<p>त्यस्तै बाफलस्थित न्यू बिके स्टोरलाई राहत वितरणमा म्याद गुज्रिएका सामान बिक्री गरेको पाइएपछि तीन लाख जरिवाना र सीतापाइलास्थित चितवन खाद्य सप्लायर्सले मूल्य बढी लिएको भेटिएपछि दुई लाख जरिवाना गरिएको छ।</p>
<p> अनुगमनका क्रममा बढी मूल्य लिएको भेटिएपछि उपभोक्ता संरक्षण ऐन, २०७५ बमोजिम जरिवाना गरिएको पोखरेलले बताए।</p>
<p>यसअघि ४ दिनअघि बढी मूल्य लिएर मासु बेच्‍ने बत्तीसपुतलीको मुस्कान मासु पसललाई दुई लाख रूपैयाँ जरिवाना लिइएको थियो। <em>रासस</em></p>
प्रतिक्रिया दिनुहोस्
.jpg)
