तीन अर्ब मानिसको कन्ट्यान्ट ट्रेसिङ गर्दै एप्पल र गुगल
<p>वासिङ्टन। एक दुर्लभ सहकार्य सार्वजनिक गर्दै एप्पल इन्कर्पोरेट र गुगलले कोभिड-१९ का बिरामीको कट्यान्ट ट्रेसिङका लागि प्रविधिको विकास गर्दै गरेको बताएका छन्। </p>
<p>नयाँ प्रविधिमार्फत तीन अर्ब मानिसको कन्ट्याक्ट ट्रेस गर्न सकिने विश्‍वास दुवै कम्पनीको छ। उक्त प्रविधि स्‍मार्टफोनमा जडान हुनेछ।</p>
<p>उक्त प्रविधिले कोरोना भाइरस संक्रमितको सम्पर्कमा आएका व्यक्तिलाई तत्काल क्‍वारेन्टाइन या आइसोलेसनमा बस्‍न भन्‍नेछ। सिलिकन भ्यालीका दुई प्रतिस्‍पर्धी बहुराष्‍ट्रिय कम्पनीहरूले शुक्रबार विकास हुँदै गरेको प्रविधिबारे जानकारी दिएका हुन्।</p>
<p>आईओएस र एन्ड्रोइड अपरेरिङ सिस्‍टमा दुई चरणमा उक्त प्रविधि जडान गर्ने उनीहरूको योजना छ। आगामी मेसम्ममा आई-फोन र एन्ड्रोइडमा ताररहित जोडेर अज्ञात सूचनाहरू आदानप्रदान गर्ने योजना छ। ब्लुमबर्ग डट कमका अनुसार त्यसका लागि सार्वजनिक स्‍वास्‍थ्य प्राधिकरणहरूले मोबाइल एप्सको प्रयोग गर्ने छन्।</p>
<p>दुवै कम्पनीले पब्लिक हेल्थ एप्सको फङ्सन व्यवस्‍थापनको फ्रेमवर्क पनि सार्वजनिक गरेका छन्। त्यसबाट कुनै व्यक्तिमा कोभिड-१९ पोजिटिभ देखिएमा पछिल्ला केही दिनमा ऊसँग सम्पर्कमा आएका सबै व्यक्तिलाई त्यसबारे जानकारी हुनेछ।</p>
<p>दोस्‍रो चरणचाहीं केही लामो तय भएको छ। त्यसपछिका केही महिनामा दुवै कम्पनीले आ-आफ्ना अपरेटिङ सिस्‍टममा कन्ट्याक्ट ट्रेसिङ सफ्टवेयर जडान गर्ने छन्। त्यसका लागि मोबाइल एप्सको सहारा लिइने छैन। एप्पल र गुगलका तीन अर्बभन्दा बढी ग्राहक छन्।</p>
<p>नयाँ प्रविधिका कारण अर्बौं मानिसको गोपनीयता भंग हुने संवेदनशीलतालाई ध्यानमा राख्न एप्पल र गुगल दुवै कम्पनीलाई राजनीतिकर्मी र निगरानीकर्ताहरूले आग्रह गरेका छन्। तर, दुवै कम्पनीले प्रयोगकर्ताको गोपनीयता मुख्य प्राथमिकतामा रहेको बताएका छन्।</p>
प्रतिक्रिया दिनुहोस्
.jpg)
