धनगढीमा कोभिड-१९ परीक्षण उपकरण जडान सकेर आजैदेखि परीक्षण
<p>कैलाली । कोरोना भाइरसको नमूना परीक्षणका लागि धनगढीमा पठाइएको उपकरण जडानको काम भइरहेको छ । सम्भवत: आजैदेखि परीक्षण थालिने बताइएको छ ।</p>
<p>संघीय सरकारले कोरोना परीक्षणका लागि पठाएको मेसिन जडानमा ढिलाइ भइरहेका बेला थप सामग्री ल्याएर जडानको काम भएरहेको मोलिकुलर माइक्रोबायोलोजिस्ट सुनिलप्रसाद लेखकले बताए ।</p>
<p>थप सामग्री शनिबार नेपाली सेनाको स्काइ ट्रकमार्फत धनगढी ल्याइएपछि जडानको काम भइरहेको उनले जानकारी दिए । </p>
<p>केन्द्रीय पशुपन्छी अन्वेषण प्रयोगशालाले गत बुधबार धनगढीमा कोरोना परीक्षणलाई तीव्रता दिन पठाएको आरटीपीसीआर मेसिन थप उपकरण नभएर जडानमा ढिलाइ भइरहेको समाचार आएको थियो ।</p>
<p>मोलिकुलर माइक्रोबायोलोजिस्ट लेखकले पनि जडानको काम सकेर आजदेखि परिक्षणको काम थालिने बताए। यसअघि प्रदेश सरकारले प्रयोगशालाको उपकरण जडानका लागि आवश्यक पर्ने थप सामग्री खरिद गर्न नसक्दा जडान रोकिएको थियो।</p>
प्रतिक्रिया दिनुहोस्
.jpg)
