प्रधानमन्त्री ओलीले भने- ‘सरकारभन्दा भिन्न कुनै संयन्त्र आवश्यक छैन’
<p>काठमाडौं। प्रधानमन्त्री केपी शर्मा ओलीले कोरोना भाइरस रोकथाम तथा नियन्त्रणका लागि सरकारभन्दा कुनै भिन्न संयन्त्र आवश्यक नरहेको बताएका छन्। </p>
<p>आज सातै प्रदेशका मुख्यमन्त्रीहरूसँगको भिडिओ कन्फ्रेन्समा प्रधानमन्त्री ओलीले सरकार स्वयंले ‘अथोरिटी’का साथ काम गरेको भन्दै अहिले कुनै संयन्त्रको आवश्यकता नरहेको बताएका हुन्।</p>
<p>केहीदिन पहिले नेकपाका अर्का अध्यक्ष पुष्पकमल दाहालले एक निजी टेलिभिजनसँगको कुराकानीमा कोभिड–१९ नियन्त्रणका लागि सर्वदलीय संयन्त्र बनाउन आवश्यक रहेको बताएका थिए।</p>
<p>त्यससता संयन्त्रका विषयमा चर्चा हुन थालेको थियो। प्रमुख प्रतिपक्ष कांग्रेसका नेताहरूले समेत अहिले संयन्त्रको कुनै आवश्यकता नरहेको बताइसकेका छन्।</p>
<p>मुख्यमन्त्रीहरूको भिडिओ कन्फ्रेन्समा प्रधानमन्त्री ओलीले <a href="https://www.dekhapadhi.com/news/10309"><span style="color:#c0392b;">लकडाउन छिट्टै अन्त्य नहुने</span></a> समेत बताएका छन्। </p>
<p>बिहान साढे ११ बजेबाट शुरू भएको भिडिओ कन्फ्रेन्स दिउँसो साढे तीन बजे सकिएको थियो।</p>
<p>प्रधानमन्त्री ओली सिंहदरबारस्थित् एक्सन रूम र मुख्यमन्त्रीहरू सम्बन्धित प्रदेशस्थित कार्यालयबाट भिडिओ कन्फ्रेन्समा सहभागी भएका थिए। </p>
प्रतिक्रिया दिनुहोस्
.jpg)
