प्रदेश १ मा कोभिड-१९ को र्यापिड टेष्ट शुरू
<p>विराटनगर। कोभिड-१९ भए/नभएको पत्ता लगाउन प्रदेश १ मा र्‍यापिड टेष्ट शुरू गरिएको छ।</p>
<p>विदेशबाट आएर क्वारेन्टाइनमा बसेकाको नमूना संकलन गर्न पाँच स्थानमा स्वास्थ्यकर्मी परिचालन गरिएको छ।</p>
<p>झापा, मोरङ र उदयपुरमा क्वारेन्टाइन स्थलमा पुगेर स्वास्थ्यकर्मीले नमूना संकलन गरिरहेका छन्।</p>
<p>हिजो, २९ चैतमा संकलन गरेको कूल ९३ नमूनाको परीक्षण गर्दा सबैजनाको रिपोर्ट नेगेटिभ आएको मुख्यमन्त्री तथा मन्त्रिपरिषद् कार्यालय, कोरोना सूचना डेस्कले जानकारी दिएको छ।</p>
<p>मुख्यमन्त्री शेरधन राईले प्रदेश सरकारको ध्यान ठूलो संख्यामा परीक्षण गर्नेतर्फ केन्द्रित हुने बताए।</p>
<p>परीक्षणका लागि विराटगरको कोशी अस्पतालमा एकैपटक धेरै संख्यामा परीक्षण गर्न सकिने आरटीपीसीआर मेसिन जडान गरिसकिएको छ। </p>
<p>यस प्रदेशमा अहिले क्वारेन्टाइनमा बस्नेको संख्या ५९२ पुगेको छ । हिजो ३९ जना थपिएका छन्।</p>
<p>कोभिड-१९ को आशंकामा आइसोलेसन बेडमा १० जना उपचाररत् छन्। होम क्वारेन्टाइनमा तीन हजार ४१७ जना बसिरहेका छन्।</p>
<p> </p>
प्रतिक्रिया दिनुहोस्
.jpg)
