बागलुङमा र्यापिड टेष्ट गरिएका ५०३ जनाको रिपोर्ट नेगेटिभ
<p>बागलुङ। र्‍यापिड टेष्ट गरिएका ५०३ शङ्कास्पद व्यक्तिमा कोभिड-१९ नतिजा नेगेटिभ आएको छ।</p>
<p>कोभिड-१९ को जोखिमयुक्त जिल्लामा परेको बागलुङमा ४ दिनदेखि नमूना परीक्षण थालिएको थियो।</p>
<p>पहिलो दिन १२, दोस्रो दिन ९४ र हिजो ३९७ जनाको नमूना संकलन गरी परीक्षण गरिएको स्वास्थ्य कार्यालयले जनाएको छ ।</p>
<p>हिजो, २९ चैतमा बागलुङ नगरपालिकाका ७७, बडिगाड गाउँपालिकाका ११४, निसीखोला गाउँपालिकाका ११५ र ढोरपाटन नगरपालिकाका ७७ जनामा कोरोना जाँच गरिएको थियो।</p>
<p>स्वास्थ्य कार्यालय प्रमुख सुरज गुरौका अनुसार जाँच गरिएका सबै विदेशबाट आएका व्यक्ति हुन् ।</p>
<p>स्वास्थ्य मन्त्रालयले तोकेबमोजिम सङ्क्रमित व्यक्तिको बसोबास क्षेत्र, भौतिक सम्पर्क भएका व्यक्ति र विदेशबाट आएका सबैमा कोरोनाको द्रुत जाँच गरिनेछ।</p>
<p>भोलिसम्म जिल्लाका १० स्थानीय तहका कूल ९७१ व्यक्तिमा कोभिड-१९ को परीक्षण गरिने गुरौले जानकारी दिए।</p>
<p>“हामीले तयारी गरेभन्दा जाँचको संख्या केही थप हुनसक्ने देखिएको छ”,उनले भने, “जाँच गरिएका कूल सङ्ख्यामध्ये १० प्रतिशतको स्वाबसमेत संकलन गरी कोरोना परीक्षण गरिनेछ।” <em>रासस</em></p>
प्रतिक्रिया दिनुहोस्
.jpg)
