अमेरिकामा कोभिड-१९ का मृतक २० हजार ५०६
<p>वासिङ्टन। अमेरिकामा कोभिड-१९ का कारण मृत्यु हुनेको संख्या २० हजार नाघेको छ।</p>
<p>जोन हकिन्स विश्‍वविद्यालयका अनुसार शनिबारसम्ममा २० हजार पाँच सय ६ जनाको मृत्यु भएको हो। हालसम्म मृतक संख्यामा अगाडि रहेको इटालीलाई पनि अमेरिकामा भएको हताहतीले पछाडि छाडेको छ।</p>
<p>शनिबारसम्म इटालीमा १९ हजार चार सय ६८ जनाको मृत्यु भएको छ। अमेरिकामा कोभिड-१९ का संक्रमितको संख्या पाँच लाख २७ हजार एक सय ११ पुगिसकेको छ।</p>
<p>उक्त महामारीबाट अमेरिकामा एकै दिन दुई हजारभन्दा बढीको मृत्यु भएको छ। न्युयोर्कमा मात्र शनिबार सात सय ८३ जनाको मृत्यु भएको थियो।</p>
<p>न्युयोर्क अमेरिकामै कोभिड-१९ को इपिसेन्टर बनेको छ, जहाँ संक्रमित संख्या एक लाख ८० हजार पुगिसकेको छ।</p>
प्रतिक्रिया दिनुहोस्
.jpg)
