क्वारेन्टाइनमा बसेकाहरूलाई घर पठाइँदै
<p>कैलाली । भारतबाट फर्किएर कैलालीका विभिन्‍न क्‍वारेन्टाइनमा बसेकाहरूलाई घर फिर्ता गर्न थालिएको छ।</p>
<p>स्थानीय तहमा अनिवार्य १४ दिने क्‍वारेन्टाइनमा राखिएकाहरूको नमूना परीक्षणपछि घर पठाउन थालिएको जिल्ला प्रशासन कार्यालयले जनाएको छ।</p>
<p>जिल्ला प्रशासन कार्यालय कैलालीका सूचना अधिकारी शिवराज जोशीले र्‍यापिड टेस्‍टमा रिर्पोट नेगेटिभ आएकाहरूलाई सात दिन अनिवार्य होम क्‍वारेन्टाइनमा बस्‍ने शर्तमा घर पठाउन थालिएको बताए।</p>
<p>शनिबार १६६ जनालाई क्‍वारेन्टाइनबाट घर पठाएको उनले जानकारी दिए। शुक्रबार पनि क्‍वारेन्टाइनमा बसेका ५८ जनालाई घर पठाइएको थियो ।</p>
प्रतिक्रिया दिनुहोस्
.jpg)
