प्रदेश २ अपडेट: परीक्षण सकिएका १३२ रिपोर्ट नेगेटिभ, २३१ जनाको परीक्षण हुँदै
<p>धनुषा। प्रदेश २ मा ३६३ जनाको थ्रोट स्वाब संकलन गरी परीक्षणा सकिएका १३२ जनाको रिपोर्ट नेगेटिभ आएको।</p>
<p>बाँकी २३१ जनाको रिपोर्ट आउन बाँकी छ ।</p>
<p>२१ चैतबाट परीक्षण शुरू गरिएको वीरगंजको नारायणी अस्पताल ९७ को परीक्षण गरिएका ६० को रिपोर्ट नेगेटिभ पाइएको छ। ३७ को रिपोर्ट आउन बाँकी छ।</p>
<p>प्रादेशिक अस्पताल जनकपुरमा २४६ परीक्षण गरिएकामध्ये ५२ जनाको रिपोर्ट नेगेटिभ आएको छ भने १९४ जनाको आउन बाँकी छ।</p>
<p>त्यस्तै राजविराजस्थित गजेन्द्रनारायण सिंह सगरमाथा अस्पतालमा ११ जनाको परीक्षण गरिएकामा सबैको रिपोर्ट नेगेटिभ आएको छ ।</p>
<p>भारतलगायत अन्य देशबाट आएकामध्ये ७२ महिला र ९२१ पुरुष गरी ९९३ जना क्वारेन्टाइनमा राखिएको सामाजिक विकास मन्त्रालयका सचिव डा. रामप्रसाद घिमिरेले बताए।</p>
<p>सचिव घिमिरेले प्रदेशभरिमा अहिले ५३ महिला र एक हजार २४१ पुरुष होम क्वारेन्टाइनमा छन्।</p>
<p>कोरोना भाइरस संक्रमणको आशंकामा यस प्रदेशमा दुई महिला र १२ पुरुष गरी १४ जनाको आइसोलेसमा राखेर उपचार भइरहेको छ। <em>रासस</em></p>
प्रतिक्रिया दिनुहोस्
.jpg)
