लकडाउनको अटेर गर्दै घरबाहिर निस्किएका १६७ जनाको सवारीसाधन कारवाहीमा
<p>काठमाडौं। ट्राफिक प्रहरीले उपत्यकाको विभिन्न ठाउँबाट लकडाउन उल्लंघन गर्दै बाहिर निस्किएका १६७ जनाको सवारीसाधन नियन्त्रणमा लिएको छ।</p>
<p>ट्राफिक प्रहरी महाशाखाका अनुसार आज बिहान १० बजेसम्म ती सवारीसाधन कारवाहीमा परेका हुन्।</p>
<p>नियन्त्रणमा लिइएकामा ५ वटा चार पांग्रे र १६२ वटा दुई पांग्रे सवारी छन्।</p>
<p>अत्यावश्यक कामबाहेक घर बाहिर ननिस्कन गरेको अनुरोधको अटेर गर्नेहरूको सवारीसाधनलाई कारवाही गरिएको महाशाखाले जनाएको छ।</p>
<p>ट्राफिक प्रहरीले बाहिरी तथा भित्रि सडकहरूमा चेकप्वाइन्ट राखि सवारी साधन चेकजाँच गर्दै आएको छ।</p>
<p>कारवाही गरिएका सवारीसाधन दिनभर नियन्त्रणमा लिएर बेलुका छाड्ने गरिएको छ।</p>
प्रतिक्रिया दिनुहोस्
.jpg)
