क्वारेन्टाइनमा बसेका भारतीय भन्छन्- 'सबै राम्रो छ, हामी यहीँ बस्न चाहन्छौं'
<p>कैलाली। डडेल्धुरा अस्पतालको निर्माणाधीन भवनमा मजदूरी गर्दै आएका भारत उत्तरप्रदेश रामपुरका परितोस विश्वास घर फर्कन १९ चैतमा कञ्चनपुरको भीमदत्तनगर आइपुगे।</p>
<p>तर लकडाउनका कारण नाका बन्द भएकाले उनीसँगै २६ जना मजदूर टोली सीमापारी जान पाएनन्। नेपालमै बस्नु पर्‍यो ।</p>
<p>स्थानीय प्रशासनको निर्णयमा भीमदत्त नगरपालिकाले खानपानको व्यवस्था गर्ने गरी भारत हिँडेका २९ जनालाई बैजनाथ इन्जिनयरिङ्ग कलेजमा राखिएको छ।</p>
<p>विश्वासले कोरोनाको त्रासका बीच घर जान नपाए पनि यहीँ सबै सुविधा दिएर राखिएकोमा आफूहरू खुशी भएको बताएका छन्।</p>
<p>"हामीलाई क्वारेन्टाइनमा बिहान, बेलुकी सँधै समयमै खाना मिलिराको छ", विश्वासले भने, "खान र बस्‍न कुनै समस्या त छैन तर उता (भारत) लकडाउन खुलेपछि यहाँबाट जान पाए हुन्थ्यो।"</p>
<p>त्यस्तै बुटवलबाट घर हिँडेका भारतीय मजदूर जस्मन्त कुमार पनि यही क्याम्पमा दश दिनदेखि आश्रय लिइरहेका छन्।</p>
<p><img alt="" height="509" src="https://www.dekhapadhi.com/storage/photos/shares/COVID-19/indian quarentine in kanchanpur.jpg" width="960" /></p>
<p>उनले पनि विश्वासले जस्तै क्वारेन्टाइनमा आफूहरूलाई केही अभाव नभएको बताए।</p>
<p>कोभिड-१९ को परीक्षण गर्दा रिपोर्ट नेगेटिभ आएको सुनेपछि खुशी लागेको बताउँदै क्वारेन्टाइनमा रहेको आफ्ना साथीहरूमा केही स्वास्थ्य समस्या नरहेको जस्मन्तले बताएका छन्।</p>
<p>भारत रामपुरकै सुकेन रायले यहाँको आरामदायी बसाईले घरको तिर्सना मेटेको बताएका छन्।</p>
<p>"खाना राम्रो छ बसाईमा पनि कुनै दु:ख छैन वरपरको वातारणले आफ्नै घर र देशमा छु जस्तो लागेको छ", कसैले आफूहरूलाई भारतको भनेर विभेद नगरेको उनले उनले भने।</p>
<p>सशस्त्र प्रहरी बल ३५ नम्बर गणका गणपति सशस्त्र प्रहरी उपरीक्षक बीरसिंह साहुले बैजनाथ स्कूलमा २९ जना भारतीयलाई बसोबास र खानपिनको व्यवस्थापन तथा सुरक्षामा समेत ध्यान दिएर राखिएको बताए।</p>
<p>कैलाली र कंचनपुरमा ७५ जना भारतीय नागरिकलाई स्थानीय प्रशासनको निगरानीमा राखिएको छ।</p>
<p>त्यसैगरी यहाँका इट्टा भट्टा, सडक, विभिन् निर्माणको क्षेत्रमा काम गर्ने भारतीय मजदुरहरु होम क्वारेन्टाइनमै बसेका छन्।</p>
प्रतिक्रिया दिनुहोस्
.jpg)
