Others

गृहपृष्ठ

विशेषज्ञ चिकित्सकसहित १६६स्वास्थ्यकर्मी नियुक्त गर्दै वागमती प्रदेश सरकार हेटौंडा। वागमती प्रदेश सरकारले विशेषज्ञ चिकित्सकसहित १६६ चिकित्सक, नर्स तथा स्वास्थ्यकर्मी नियुक्त गर्ने भएको छ। प्रदेशको सामाजिक विकास मन्त्रालयले नवौं तहमा काम गर्ने गरी प्रसूति तथा स्त्रीरोग विशेषज्ञ तीन, हाडजोर्नी विशेषज्ञ तीन, कन्सल्ट्यान्ट एनेस्थोसियोलोजिस्ट पाँच, कन्सल्ट्यान्ट जनरल फिजिसियन चार, कन्सल्ट्यान्ट डर्माटोलोजिस्ट एक, कन्सल्ट्यान्ट पिडियाट्रिसियन चार, कन्सल्ट्यान्ट प्याथोलोजिस्ट दुई, कन्सल्ट्यान्ट माइक्रोबायोलोजिस्ट एक, कन्सल्ट्यान्ट रेडियोलोजिस्ट पाँच, कन्सलटेन्ट सर्जन पाँच, कन्सल्ट्यान्ट साइक्याट्रिक पाँच, जनस्वास्थ्य प्रशासक र शिक्षा स्वास्थ्य प्रशासक दुई-दुई र नर्सिङ प्रशासक एक जनाको विज्ञापन प्रकाशन गरेको छ। त्यस्तै आठौं तहका लागि मेडिकल अधिकृत १७, दन्त चिकित्सक दुई, आयुर्वेद चिकित्सक तीन जनाका लागि दरखास्त आह्वान गरिएको छ। मन्त्रालयद्वारा प्रकाशित विज्ञापनमा सातौं तहमा नर्सिङ अधिकृत, फिजियो थेरापिस्ट र फार्मेसी अधिकृत दुई-दुई, मेडिकल ल्याब टेक्नोलोजिस्ट छ, कनिष्&zwj;ठ नर्सिङ अधिकृत तीन, जनस्वास्थ्य अधिकृत १०, वायोमेडिकल इन्जिनियर एक जना माग गरिएको छ। यस्तै पाँचौं तहका लागि डेन्टल हाइजेनिस्ट, एनेस्थिेटिक सहायक, फार्मेसी सहायक, बायोमेडिकल टेक्निसियन, मेडिकल रेकर्डर सुपरभाइजर, सहायक डाइटिसियन, स्टाफ नर्स, हेल्थ असिस्टेन्ट, ल्याब टेक्निसियनको माग गरिएको छ भने चौथो तहका लागि अनमी, अहेब र ल्याब सहायक मागिएको छ। रासस