Others

गृहपृष्ठ

'नो ब्रा' अभियान चलाइरहेकी कोरियाली गायिका सुल्ली मृत भेटिइन् 'नो ब्रा' अभियानमा संलग्न दक्षिण कोरियाकी प्रसिद्ध पप गायिका सुल्ली मृतावस्थामा फेला परेकी छन्। उनले आत्महत्या गरेको हुन सक्ने अनुमान गर्दै कोरियाली प्रहरीले अनुसन्धान अघि बढाएको छ। कोरियाली प्रहरीले जनाए अनुसार २५ बर्षीय सुल्ली राजधानी सोलनजिकै रहेको उनको घरमा मृतावस्थामा भेटिएकी हुन् ।   भित्री वस्त्र ब्रा नलगाई स्तनको मुख देखाएका कारण उनी विवादमा परेकी थिइन्। मे २०१६ मा पहिलो पटक त्यस्ता तस्वीर इन्स्टाग्राममा प्रकाशित भएपछि उनको तीब्र आलोचना भएको थियो। गत महिना इन्स्टाग्राममा प्रत्यक्ष प्रसारित भिडिओमा उनका स्तनहरू देखिएपछि दक्षिण कोरियामा विवाद उत्पन्न भएको थियो। सुल्लीलाई प्रभावशाली नारी स्वरका रूपमा लिइन्थ्यो। तर उनको शैली तथा लुगाका कारण धेरै आलोचना पनि हुन्थ्यो।