कोरोना भाइरसविरूद्ध आयुर्वेदिक उपचारकाे वैज्ञानिक परीक्षण गर्न भारतमा कार्यदल
<p>भारत। भारतमा कोरोना भाइरसविरुद्धको आयुर्वेदिक उपचारलाई वैज्ञानिकरूपमा प्रमाणित गर्न कार्यदल गठन गरिएको छ।</p>
<p>प्रधानमन्त्री नरेन्द्र मोदीले नै कार्यदल गठन गरेर आयुर्वेदिक उपचार पद्धतिबाट कोरोना भाइरसको उपचार हुन्छ कि हुँदैन परीक्षण गर्न र वैज्ञानिकरूपमा पुष्टि गर्न निर्देशन दिएका हुन्।</p>
<p>आईसीएमआरजस्ता निकायहरूसँग समन्वय गरेर यसका बारेमा अध्ययन गर्न प्रधानमन्त्री मोदीले निर्देशन दिएकाे आयुर्वेद र योगसम्बन्धी संघीय राज्यमन्त्री श्रीपद वाई नाइकले जानकारी दिएका छन्।</p>
<p>एएनआईसँगको कुराकानीका क्रममा राज्यमन्त्री नाइकले कोरोना भाइरसको आयुर्वेदिक तथा परम्परागत उपचारबारे वैज्ञानिकरूपमा परीक्षण तथा पुष्टि गर्न प्रधानमन्त्री मोदीले नै एउटा कार्यदल बनाएर परिचालन गरेकाे बताए।</p>
<p>आयुर्वेदिक उपचार पद्धतिबारे आफूहरूसँग झण्डै दुई हजार प्रस्तावहरू आएको र ती सबैको अध्ययन तथा परीक्षण गरिने उनकाे भनाइ छ। <em>रासस/एएनआई</em></p>
प्रतिक्रिया दिनुहोस्
.jpg)
