भारतमा लकडाउन: यूपीमा गहुँ स्याहार्न कामदार नपाएर चिन्तित किसानले गरे आत्महत्या
<p>काठमाडौं। बांदा जिल्लाको जारी गाउँमा गहुँ काट्नका लागि कामदार नपाएका एक किसानले झुन्डिएर आत्महत्या गरेका छन्। जिल्लाका एसएसपी लालभरत कुमार पालले ५२ वर्षीय किसान रामभवन शुक्लाको शव रूखमा झुन्डिएको अवस्थामा भेटिएको <a href="http://thewirehindi.com/117248/lockdown-up-banda-distressed-farmer-hanged-due-to-lack-of-labor-for-harvesting/" target="_blank"><em>द वायर</em></a>लाई बताएका छन्। प्रहरी अधिकारीलाई उद्धृत गर्दै <em>वायर</em>ले मृतकको शव परिवारलाई जिम्मा लगाइएको र घटनाको छानविन भइरहेको समाचार छापेको छ। </p>
<p>मृतकका परिवारले बेमौसमी वर्षाका कारण मसुरो दाल सडिसकेको र गहुँ पनि खेतमै सुक्दै गएको बताएका छन्। रामभवनले दुई दिनदेखि गाउँमा गहुँ काट्ने कामदार खोजिरहेका थिए तर, लकडाउनका कारण कोही पनि मजदुर पाएका थिएनन्। </p>
<p>मृतकको परिवारकाअनुसार २९ चैतमा पनि रामभवन कामदार खोज्न भन्दै घरबाट निस्केका थिए। तर कोही कामदार नपाएका कारण निराश भएर उनले आत्महत्या गरेको हुनसक्ने बताइएको छ। </p>
<p>केही दिनअघि पश्चिमी उत्तर प्रदेशका किसान नेताले खेती-किसानीसँग सम्बन्धित समस्या समयमै नसुल्झाएमा कोभिड-१९ को कारणले भन्दा बढी <a href="http://thewirehindi.com/117045/lockdown-farmers-in-heavy-crisis-due-laborers-are-not-getting-wheat-harvest/" target="_blank">भोकमरीले मानिसको ज्यान जानसक्ने चेतावनी</a> दिएका थिए। </p>
प्रतिक्रिया दिनुहोस्
.jpg)
