प्राडा लुइँटेललाई अनेसास विशिष्ट प्रतिभा पुरस्कार
<p>तीन सदस्यीय पुरस्कार छनोट समितिको केही दिनअगाडि अमेरिकामा बसेको बैठकले साहित्यकार प्रा. डा. लुइँटेललाई उक्त पुरस्कार प्रदान गर्ने निर्णय गरेको हो।</p>
<p>उक्त पुरस्कारको राशि दुई हजार ५०० अमेरिकी डलर छ।</p>
<p>अन्तरर्राष्ट्रिय नेपाली साहित्य समाजले नेपाली भाषा, साहित्यको विकास र अन्तरराष्ट्रियकरणका साथै अनेसासको वृहत्तर विकासमा विशिष्ट योगदान गरेका व्यक्तिलाई हरेक दुई वर्षमा उक्त पुरस्कार दिँदै आएको छ।</p>
<p>नेपाली भाषा साहित्यको विकासमा अनवरतरूपमा लागेर आप्रवासमा नेपाली भाषा, साहित्यको विस्तार, संवर्द्धन र संरक्षणमा दिएको योगदान र नेपाली भाषाको अन्तर्राष्ट्रियकरणमा गरेको भूमिकाका आधारमा यस्तो निर्णय गरिएको उक्त समितिले जनाएको छ।</p>
<p>अमेरिकाको क्यालिफोर्निया निवासी लामाले स्थापना गरेकाे साे पुरस्कार यसअघि सन् २०१७ मा अनेसासका संस्थापक अध्यक्ष होमनाथ सुवेदीलाई प्रदान गरिएको थियो।</p>
<p>आगामी १० नोभम्बरमा अमेरिकाको वासिङ्टन डिसीमा आयोजित समारोहमा उक्त पुरस्कार प्रदान गरिने आयोजकले जनाएको छ। <em>रासस</em></p>
प्रतिक्रिया दिनुहोस्
.jpg)
