सहकारीले दियो चन्द्रागिरि नगरपालिकालाई एक लाख रूपैयाँ
<p>काठमाडौं। देवदर्शन बचत तथा ऋण सहकारी संस्था लिमिटेडले चन्द्रागिरि नगरपालिकालाई एक लाख एक हजार रूपैयाँ सहयोग गरेको छ। </p>
<p>कार्यालयमा आज आयोजित कार्यक्रममा संस्थाका अध्यक्ष रामनारायण घिमिरेले चन्द्रागिरि नगरपालिका प्रमुख घनश्याम गिरीलाई रकम हस्तान्तरण गरे। </p>
<p>नगर प्रमुख गिरीले विपद्मा सबैको साथ र सहकार्य आवश्यक रहेको बताए। ‘लकडाउन’का कारण समस्यामा पर्ने नगरबासीलाई पारदर्शी रूपमा उक्त रकम खर्च गरिने उनले बताए। </p>
<p>स्थानीय सरकारको प्रतिनिधि, स्थानीय जनसेवकलगायत सबैले विपद्को समयमा आफूले सक्ने सहयोग गर्नुपर्ने उनले बताए।</p>
<p>“पहिले भूकम्प र अहिले लकडाउन भनेकै एकले अर्कालाई सहयोग गर्नुपर्ने समय हो”, उनले भने। </p>
<p>संस्थाका अध्यक्ष घिमिरेलले नगरपालिकाको पहिलो सहकारीको तर्फबाट सहयोग रहेको रहेको बताए। </p>
<p>विपत्तिमा परेका समुदायलाई सबैको थोपाथोपा सहयोगले उद्धार हुने उनले बताए। </p>
<p>“सबै सहकारी अभियन्ताले यस्तो अभियानमा साथ र सहयोग गर्न खाँचो छ”, उनले भने। </p>
<p>समाज रूपान्तरणका लागि हरेक वर्ष सीप विकास, लघुवित्त सामाजिक विकासलगायत जनमुखी र प्रभावकारी कार्यक्रम सञ्चालन गर्दै आइरहेको संस्थाले जनाएको छ। <em>रासस </em></p>
प्रतिक्रिया दिनुहोस्
.jpg)
