.jpg)
‘प्रभु पे’का सुविधा अब सामान्य माेबाइलमा पनि
<p>काठमाडौं। प्रभु पेले स्मार्ट फोन नहुने वर्गलाई लक्षित गरी मोबाइल वालेट सञ्चालन गरेको छ।</p>
<p>यो सँगै अब सामान्य मोबाइल ‘बारफोन’बाट पनि प्रभु पेका सुविधाहरू लिन सकिने भएको छ।</p>
<p>युएसएसडीमार्फत् मोबाइल रिचार्ज, टेलिफोन, टेलिभिजन तथा इन्टरनेटलगायतका बिल भुक्तानी घरमै बसीबसी गर्न सकिने प्रभु ग्रुपको सूचना तथा सञ्चार शाखाले जनाएको छ।</p>
<p>शाखाका अनुसार यसबाट रेमिट्यान्स भुक्तानीको सुविधासमेत प्रयोग गर्न सकिन्छ। एनसेलको सहकार्यमा प्रभु पेले यस्तो सुविधा ल्याएको हो, जसबाट म्यासेजहरू आदानप्रदान गर्दा शुल्क नलाग्ने सञ्चार शाखाले जनाएको छ।</p>
<p><strong>यसरी प्रयोग गर्ने</strong></p>
<p>एनसेल सीम भएका साधारण मोबाइल प्रयोगकर्ताले आरजी सहित कम्तीमा चार अंकको आफूले रोजेको नम्बर (जसलाई एमपीन भनिन्छ) लेखेर ३१०४१ मा एसएमएस गर्नुपर्छ।</p>
<p>त्यसपछि प्रयोगकर्ताको एनसेल नम्बर प्रभु–पेमा रजिष्टर्ड हुन्छ। यति गरेपछि अब प्रयोगकर्ताले मोबाइलमा *31041*mpin# थिचेपछि विभिन्न सुविधाहरू मोबाइलमा देखिन्छ। आफूलाई चाहिएको सुविधा त्यसबाट लिन सकिन्छ।</p>
प्रतिक्रिया दिनुहोस्
.jpg)
