कोभिड-१९ संकट : टर्कीका गृहमन्त्रीले दिए राजिनामा
<p>इस्तानबुल। लकडाउनको पूर्ण पालना गराउन असफल भएपछि टर्कीका गृहमन्त्री सुलेमान सोयलुले राजिनामा दिएका छन्।</p>
<p>मन्त्री सोयलु राष्‍ट्रपति रेसेप तैय्यप इर्दोगानका प्रिय पात्र मानिन्छन्। टर्कीका सबै ३१ वटा शहरमा सरकारले एकसाथ लकडाउन घोषणा गरेको थियो। त्यसलगत्तै भोगदौडको स्थिति देखिएको थियो।</p>
<p>गत शुक्रबार रातिदेखि लागू हुने गरी ४८ घण्टे लकडाउन घोषणा गरेको थियो। तर, मध्यरातिदेखि नै मानिस बजारमा निस्केर अत्यावश्यक सामान खरिद गर्न थाले। र, रातभर भागदौड मच्चियो।</p>
<p>बीबीसीका अनुसार प्रहरीले लकडाउनका बेला पनि अत्यावश्यक सामान खरिद गर्न पाइने बताउँदा पनि शहरबासीले मानेनन्। र, स्थिति नियन्त्रणबाहिर जान थाल्यो। बाध्य भएर सरकारले कर्फ्यु घोषणा गर्नुपर्‍यो।</p>
<p>चर्को आलोचना भएपछि गृहमन्त्री सोयलुले राष्‍ट्रपतिसमक्ष राजिनामा बुझाएका हुन्। राष्‍ट्रपति इर्दोगानले उनको राजिनामा स्वीकृत गरिसकेका छैनन्। र, उनी पदमा रहिरहने बताएका छन्।</p>
प्रतिक्रिया दिनुहोस्
.jpg)
