अत्यधिक रक्तश्राव भएकी सुत्केरीको हेलिकप्टरबाट उद्धार
<p>बाजुरा। स्वामिकार्तिक गाँउपालिका- १, साप्पाटा मुक्तिकोटबाट एक सुत्केरीको हेलिकप्टरमार्फत उद्धार गरिएको छ।</p>
<p>सुत्केरी भएपश्चात अत्यधिक रक्तश्रावका कारण स्वास्थ्य जटिल बनेपछि ३५ वर्षीया सुपारी बिकलाई आज बिहान हेलिकप्टरमार्फत उद्धार गरिएको प्रमुख जिल्ला अधिकारी गंगाप्रसाद न्यौपानेले बताए।</p>
<p>महिला बालबालिका तथा जेष्ठ नागरिक मन्त्रालयको पहलमा उनको उद्धार गरिएको हो।</p>
<p>गाँउपालिका अध्यक्ष चिरिञ्जीवि शाहीले सुत्केरीलाई बाँकेको कोहलपुर मेडिकल कलेज नेपालगञ्ज लगिएको जानकारी दिए।</p>
<p>हिजो, ३० चैतमा घरमै एक बच्चालाई जन्म दिएकी बिकको जुम्ल्याहा बच्चा भएको हुनसक्ने साप्पाटा स्वास्थ्य चौकी इन्चार्ज बिर्ज बिकले बताएका छन्।</p>
<p>बाजुरामा अत्यधिक रक्तश्रावका कारण यसअघि पाँचजना सुत्केरीको मृत्यु भइसकेको छ। <em>रासस</em></p>
प्रतिक्रिया दिनुहोस्
.jpg)
