चीनमा कोभिड-१९ का १०८ नयाँ बिरामी
<p>बेइजिङ। चीनको मेनल्यान्डमा कोभिड-१९ का एक सय आठ जना नयाँ बिरामी देखिएका छन्।</p>
<p>तीमध्ये ९८ जना भरखरै विदेशबाट आएका चिनियाँ नागरिक हुन्।</p>
<p>बीबीसी र रोयटर्सका अनुसार यसबाट चीनमा कोभिड-१९ को दोस्रो तरंग शुरु हुने जोखिम देखिएको छ। आन्तरिक बिरामी कम हुँदै जाँदा कोरोना भाइरस संक्रमणको उद्‍गम स्थल वुहानमा ११ सातादेखि लगाइएको लकडाउन गत साता हटाइएको छ।</p>
<p>आइतबार चीनमा कोभिड-१९ का कारण दुई जनाको मृत्यु भयो। हालसम्म चीनमा मृतक संख्या तीन हजार तीन सय ४१ पुगेको छ।</p>
<p>यस्तै, कोभिड-१९ को लक्षण देखिएका ६१ जना बिरामी पनि आइतबार रेकर्ड भएका छन्। उनीहरूको परीक्षण भइरहेको अधिकारीहरूले जनाएका छन्।</p>
प्रतिक्रिया दिनुहोस्
.jpg)
