बिग्रियो थर्मल गन
<p>अर्घाखाँची। जिल्लाका अस्पतालहरूमा ज्वरो नाप्‍ने थर्मल गन नहुँदा स्वास्थ्यकर्मी समस्यामा परेका छन् ।</p>
<p>जिल्लामा रहेका तीनवटै थर्मल गन बिग्रिएपछि तापक्रम नाप्‍न समस्या भएको छ । </p>
<p>यात्रु तथा अन्यको तापक्रम नाप्‍न प्रयोग गरिने थर्मल गन बिग्रिएपछि चार दिनदेखि जिल्लाका सबै स्थानमा ज्वरो नाप्‍न समस्या भएको सहायक प्रमुख जिल्ला अधिकारी विष्णुराज बेल्बासेले बताए। अर्घाखाँची अस्पतालमा रहेको थर्मल गन पनि बिग्रिएको छ । </p>
<p>अहिले थर्मोमिटरले ज्वरो नाप्‍नु परिरहेको अर्घाखाँची अस्पतालका प्रमुख डा. कपिल गौतमले बताए। </p>
<p>शीतगंगा-१२ डोहटेमा कोरोना भाइरस सहायता कक्ष स्थापना गरेर जिल्ला प्रवेश गर्नेहरूको तापक्रम नापिने गरेको थियो । <em><strong>रासस</strong></em></p>
प्रतिक्रिया दिनुहोस्
.jpg)
