कैलालीमा थप एक महिलामा कोभिड-१९ देखियो
<p>कैलाली। क्वारेन्टाइनमा रहेकी कैलालीकी थप एकजना महिलामा कोरोना संक्रमित पोजेटिभ देखिएको छ।</p>
<p>लम्कीचुहा नगरपालिका वडा नम्बर १ मा ५२ वर्षीया महिलामा कोरोना पोजेटिभ देखिएको हो।</p>
<p>लम्की बहुमुखी क्याम्पसको क्वारेन्टाईनमा राखिएकी ती महिलाको र्‍यापिड टेष्टमा नेगेटिभ देखिएपनि राष्ट्रिय जनस्वास्थ्य प्रयोगशाला काठमाडौँमा परीक्षण गर्दा पोजेटिभ देखिएको अनौपचारिक जानकारी आएको लम्कीचुहा अस्पतालका प्रमुख डा. प्रकाश तिमिल्सिनाले <em>देखापढी</em>लाई बताए।</p>
<p><img alt="" height="720" src="https://www.dekhapadhi.com/storage/photos/shares/Education/lamki multiple campus.jpg" width="960" /></p>
<p>उनका अनुसार ती महिला परिवारसहित विरगञ्जबाट फर्किएकी थिइन्।</p>
<p>पोजेटिभ देखिएसँगै महिलालाई थप उपचारको लागि एम्बुलेन्सबाट सेती प्रादेशिक अस्पताल पठाइएको छ।</p>
<p>यसअघि दुबईबाट आएका धनगढीका युवक, उनकी भाउजु, भारतबाट फर्किएका लम्कीकै पुरुष र भारतबाटै फर्किएका कञ्चनपुरका अर्को पुरुषमा कोरोनाको संक्रमण पुष्टि भईसकेको छ।</p>
<p>उनीहरू सेती प्रादेशिक अस्पतालको आइसोलेसनमा उपचाररत् छन्।</p>
प्रतिक्रिया दिनुहोस्
.jpg)
