Others

गृहपृष्ठ

वीरगंजबाट दुई साताअघि ३५ जनासँगै बस चढेर आएकी थिइन् कैलालीकी संक्रमित महिला कैलाली। कोरोना भाइरसको संक्रमण पुष्टि भएकी कैलालीको लम्कीचुहा नगरपालिका- १ की ५२ बर्षीया महिला पर्साको वीरगंजबाट आएको खुलेको छ। आजै मात्र उनमा कोरोना भाइरस संक्रमणको पुष्टि भएको हो। लम्की, कैलालीस्थित लम्की बहुमुखी क्याम्पसको क्वारेन्टाईनमा राखिएकी ती महिलाको र्&zwj;यापिड टेष्टको नतिजा नेगेटिभ देखिए पनि थप परीक्षणका लागि राष्ट्रिय जनस्वास्थ्य प्रयोगशाला काठमाडौंमा नमूना पठाइएको थियो। काठमाडौंमा गरिएको पीसीआर परीक्षणका क्रममा उनमा कोरोना भाइरस संक्रमण पोजिटिभ देखिएको जानकारी आएको लम्की अस्पतालका डा. प्रकाश तिमिल्सिनाले बताएका छन्। यसको औपचारिक जानकारी भने राष्ट्रिय जनस्वास्थ्य प्रयोगशालाबाट आइसकेको छैन।   लम्किचुहा नगरपालिका निवासी ती महिलाले लामो समयदेखि वीरगंजको बसपार्कमा चिया पसल संचालन गर्दै आएको खुलेको छ। लकडाउन भएपछि जिल्ला प्रशासन कार्यालय पर्साले १७ चैतमा ३५ जनालाई पश्चिमतर्फ आउने अनुमति दिएको थियो। त्यही समूहमा उनी पनि आएकी थिइन्। उनीहरूमध्ये केही दाङ तथा नेपालगन्जमा उत्रिएको र १७ जना भने १८ चैतमा कैलाली आइपुगेको प्रहरी स्रोतले बताएको छ। कैलाली आएपछि उनीहरू सबैलाई लम्की बहुमुखी क्याम्समा रहेको क्वारेन्टाइनमा राखिएको थियो। कोरोना भाइरस परीक्षणका लागि उनको र्&zwj;यापिड टेष्&zwj;ट कहिले गरियो भन्ने जानकारी भने दिइएको छैन। उनी वीरगंजबाट नै कोरोना भाइरस संक्रमित भएर आएको हुनसक्ने अनुमान गरिएको छ। उनीसँगै रहेका अन्य १६ जनाको पनि र्&zwj;यापिड टेष्&zwj;टमा नतिजा नेगेटिभ देखिएपछि सबैलाई घर पठाइएको थियो । उनी पनि क्वारेन्टाइनबाट घरमा गएकी थिइन्। अहिले उनको नतिजा पोजिटिभ देखिएको जानकारी आएसँगै सेती प्रादेशिक अस्पतालमा भर्ना गरिएको छ। बाँकी १६ जनालाई पनि पुनः क्वारेन्टाइनमा ल्याएर राखिएको छ। पढ्नुहोस्: <a href="https://dekhapadhi.com/news/10433" target="_blank">कैलालीमा थप एक महिलामा कोभिड-१९ देखियो</a>