Others

गृहपृष्ठ

सप्तरीमा काेभिड-१९ काे द्रुत परीक्षण शुरू, ३८ जनाको नेगेटिभ सप्तरी। सप्तरीमा कोरोना भाइरस जाँचका लागि ‘ र्&zwj;यापिड डाइग्नोस्टिक टेस्ट’ (आरडीटी) विधिबाट द्रुत परीक्षण शुरू भएको छ। क्वारेन्टाइनमा रहेका र ‘फिवर क्लिनिक’ मा जचाउँन आएका व्यक्तिलाई उच्च प्राथमिकतामा राखेर सो विधिबाट परीक्षण शुरू गरेको जिल्ला स्वास्थ्य कार्यालयले जनाएको छ। राजविराज नगरपालिकामा चारजना, कञ्चनरूप नगरपालिकामा १६ जना र अग्नीसाइर कृष्णसवरण गाउँपालिकामा १८ जनाको नमूना परीक्षण गरिएकामा सबैजनाको रिपोर्ट नेगेटिभ आएको  स्वास्थ्य कार्यालयका  निमित्त प्रमुख दुनियालाल यादवले जानकारी दिए। हाल जिल्लाको विभिन्न ३२ वटा क्वारेन्टाइनमा पाँच महिलासहित २४७ जना छन् । सो अवधिमा क्वारेन्टाइनबाट घर फर्किसकेका २११ जनाको समेत सम्बन्धित स्थानीय तहमै स्वास्थ्यकर्मीको टोली पुगेर परीक्षण गर्ने उनकाे भनाइ छ। रासस