कोभिड-१९ सँग जुध्न प्रदेश १ का स्थानीय तहहरूमा नौ करोड ५० लाख बजेट छुट्याइयो
<p>विराटनगर। प्रदेश १ मा कोभिड-१९ को रोकथाम, उपचार र राहतका लागि स्थानीय तहलाई ९ करोड ५० लाख रूपैयाँ बजेट छुट्याएको छ।</p>
<p>प्रदेश १ का मुख्यमन्त्री शेरधन राईले हिजो, १ वैशाखमा सम्बोधन गर्दै त्यो बजेट महानगरपालिकालाई २० लाख रूपैयाँ, उपमहानगरपालिकाहरुलाई १५ लाख रूपैयाँ, नगरपालिकाहरुलाई १० लाख र गाउँपालिकालाई ५ लाखका दरले पठाइने जानकारी दिएका छन्।</p>
<p>त्यस्तै स्थानीय पालिकाहरू र स्थानीय प्रशासनसँगको समन्वय र अनुगमनको काममा खर्च गर्ने गरी १४ वटै जिल्ला समन्वय समितिहरुलाई ५-५ लाखका दरले ७० लाख रूपैयाँ रकम विनियोजन गरिएको छ।</p>
<p>कोभिड-१९ विरूद्ध अहोरात्र खटिरहेका नेपाली सेना, सशस्त्र प्रहरी बल, नेपाल प्रहरी, राष्ट्रिय अनुसन्धान, सबै जिल्ला सुरक्षा समितिहरुले खेलिरहेको भूमिकाको मुख्यमन्त्री राईले प्रशंसा गरेका छन्।</p>
<p>ती निकायलाई प्रोत्साहन स्वरुप एक करोड ६८ लाख रूपैयाँ निकासा गरिएको छ।</p>
<p>यसअघि प्रदेशका सबै सरकारी अस्पतालहरूलाई तीन करोड बजेट दिइसकिएको छ।</p>
प्रतिक्रिया दिनुहोस्
.jpg)
