Others

गृहपृष्ठ

मनिषा कोइराला भन्छिन्- क्यान्सरपछि लकडाउनसँग संघर्ष मुम्बई। पछिल्लो पटक नेटफ्लिक्सको फिल्म ‘मस्का’मा देखिएकी अभिनेत्री मनिषा कोइराला यतिबेला मुम्बईस्थित घरभित्रै समय बिताइरहेकी छन्। अंग्रेजी न्युजपोर्टल ‘द क्&zwj;विन्ट’सँग गफिँदै उनले लकडाउनको फुर्सदिलो समयमा ‘गार्डेनिङ’को सोख पूरा गर्न लागिपरेको बताइन्। यही समयमा उनी अडियो पुस्तक तयार पार्ने सोख पनि पूरा गर्दैछिन्। ‘जब लकडाउन घोषणा भयो, म केही चिन्तित भएँ। किनकि, मेरो साथमा मेरा वृद्ध मातापिता पनि हुनुहुन्छ,’ उनले भनिन्, ‘मेरा केही डाक्टर साथीहरूसँग सल्लाह लिएँ, उनीहरूले ह्वाट्स एपका सन्देशहरू हेर्न बन्द गर्न सुझाव दिए।’ क्यान्सरको उपचारका क्रममा आफूले भोगेको समयले अहिलेको परिस्थितिसँग लड्न साहस दिएको उनले बताइन्। ‘म अहिले वर्तमानलाई मात्र ध्यान दिइरहेकी छु, भविष्&zwj;यलाई होइन। पर्सीप्रति पनि चिन्ता छैन, न त लकडाउन खुलेपछिको समयप्रति कुनै शंका छ,’ उनले भनिन्, ‘म केवल आफैंभित्र मुस्काराइरहेकी छु। क्यान्सरको उपचारका क्रममा म लामो समयसम्म भय नामको मनोविकारका साथ बाँचें। लकडाउनको यो समयले मलाई क्यान्सरको उपचारको त्यही कष्&zwj;टप्रद समयको सम्झना दिलाएको छ।’ उनले नेटफ्लिक्समार्फत भरखरै फिल्म ‘बदला’ हेरिन्। यस फिल्ममा अभिताभ बच्चन, तापसी पन्नुलगायत बलिउड स्टारहरूको अभिनय छ। फिल्म हेरेपछि उनी तापसीको अभिनय कौशलबाट प्रभावित बनिन्। ‘अमितजीको फिल्ममा बलियो उपस्थिति छ र तापसीको अभिनयबाट म साँच्चै उत्साहित भएँ,’ मनिषाले भनिन्।