कोरोना संक्रमित कैलालीकी महिलाको सम्पर्कमा आएका परिवारका सदस्यसहित ५२ जनालाई क्वारेन्टाइनमा राखियो
<p>कैलाली। कैलालीको लम्की चुहा नगरपालिकाकी ५२ बर्षिया कोरोना संक्रमित महिलाको सम्पर्कमा आएका घरपरिवारका सदस्यसहित ५२ जनालाई क्वारेन्टाइनमा राखिएको छ।<br />
<br />
लम्की बहुमुखी क्याम्पसको क्वारेन्टाइनमा संक्रमित महिलासँगै बसेका १६ जना र उनको सम्पर्कमा आएका परिवारका ३६ जनालाई क्वारेन्टाइनमा राखिएको जिल्ला प्रहरी कार्यालय कैलालीका प्रवक्ता डीएसपी उपरीक्षक दक्षकुमार बस्नेतले बताए।</p>
<p>ती महिलाको र्‍यापिड टेष्टको नतिजा नेगेटिभ देखिए पनि थप परीक्षणका लागि राष्ट्रिय जनस्वास्थ्य प्रयोगशाला काठमाडौं पठाइएकोमा पोजेटिभ देखिएको थियो।</p>
<p>अहिले सेती प्रादेशिक अस्पतालको आइसोलेसनमा उनको उपचार भइरहेको छ।</p>
<p>लम्किचुहा नगरपालिका निवासी ती महिलाले लामो समयदेखि वीरगंजको बसपार्कमा चिया पसल गर्दै आएकी थिइन्।</p>
<p style="text-align:justify">वीरगञ्जबाट स्थानीय प्रशासनले उपलब्ध गराएको पासमा ३५ जनाको नाम उल्लेख भएपनि १७ चैतमा त्यहाँबाट बसमा चढेर ३४ जना आएको देखिएको छ। एक जना व्यक्ति भने ट्रकमा चढेर आएको खुलेको छ।</p>
<p style="text-align:justify">वीरगञ्जबाट आएकामध्ये सुर्खेतको गुर्भाकोट नगरपालिकाका एक जना, पञ्चपुरी नगरपालिकाका ४ जना, दैलेखको नारायण नगरपालिकाका एक जना, बाँकेको कोहलपुरमा झरेका प्रहरीले बताएको छ।</p>
<p style="text-align:justify">त्यस्तै अर्घाखाँचीका एक जना र दाङ देउखुरीका एक जना पनि बाटोमै झरेका थिए।</p>
<p style="text-align:justify">बसमा रहेकामध्ये कैलालीको लम्की चुहा नगरपालिका–१ का १७ जना, वडा नम्बर ८ का चार जना, बर्दगोरिया– १ का पाँच जना आफ्नो घरनजिकको बाटोमा झरेका थिए।</p>
<p style="text-align:justify">तीमध्ये वडा नम्बर १ का १७ जना घर पुगेकै दिन १८ चैतदेखि लम्कीचुहा बहुमुखी क्याम्पसको क्वारेन्टाइनमा बसेका थिए।</p>
<p>ती महिला वीरगंजबाट नै कोरोना भाइरस संक्रमित भएर आएको हुनसक्ने अनुमान गरिएको छ।</p>
<p>ती महिलासँगै रहेका अन्य १६ जनाको पनि र्‍यापिड टेष्‍टमा नतिजा नेगेटिभ देखिएपछि क्वारेन्टाइनबाट सबैलाई घर पठाइएको थियो।</p>
प्रतिक्रिया दिनुहोस्
.jpg)
