कोभिड-१९ बाट कास्की घान्द्रुक घर भएका पूर्वगोर्खा सैनिकको बेलायतमा मृत्यु
<p>काठमाडौं। हिजो फेरि कोभिड-१९ का कारण एक पूर्वगोर्खा सैनिकको बेलायतमा मृत्यु भएको छ।</p>
<p>लण्डन शहरदेखि बाहिर रेडिङ भन्ने ठाउँमा बस्दै आएका ६५ वर्षीय लक्षिणबहादुर गुरुङको १ बैशाख बिहान ७ बजे मृत्यु भएको हो। </p>
<p>रेडिङको अस्पतालमा उपचारका क्रममा उनको मृत्यु भएको समाजसेवी कमल गुरुङले बताए।</p>
<p>गत दुई सातादेखि अस्पतालमा भर्ना भएका गुरुङलाई पछिल्लो समय भेन्टिलेटरमा राखेर उपचार गरिँदै आएको थियो।</p>
<p>पुर्ख्यौली घर कास्कीको घान्द्रुक भएका गुरुङको पोखराको दीपमा पनि घर छ।</p>
<p>घान्द्रुक समाज रेडिङमा समेत उनी केही पहिले अध्यक्ष थिए।</p>
<p>अहिलेसम्म सार्वजनिक भएको तथ्यांक अनुसार कोरोनाकै कारण बेलायतमा निधन हुने नेपाली नौ पुगेका छन् । तीमध्ये छजना पूर्वगोर्खा सैनिक छन्। <em>रासस</em></p>
प्रतिक्रिया दिनुहोस्
.jpg)
