गण्डकी प्रदेशका कोभिड-१९ सम्बन्धी सबै सूचना ‘गण्डकी स्वास्थ्य’ मोबाइल एपबाट
<p>कास्की। गण्डकी प्रदेशमा कोभिड-१९ सम्बन्धी प्रदेश सरकारले गरेका सबै कामको सूचना समेटिएको मोबाइल एप ‘गण्डकी स्वास्थ्य’ संचालन गरिएको छ।</p>
<p>सामाजिक विकास मन्त्रालयअन्तर्गतको स्वास्थ्य निर्देशनालयले सो एपमार्फत् कोभिड-१९ विरुद्ध भइरेहको प्रतिकार्य सावधानीका उपायहरू समेटेको जनाएको छ।</p>
<p>एन्ड्रोइड मोबाइलमा प्लेस्टोरमा गएर एप डाउनलोड गर्न सकिने निर्देशनालयले जनाएको छ ।</p>
<p>गण्डकी प्रदेशमा अहिलेसम्म एक हजार ७८२ जनाको र्‍यापिड डाइगोनिष्टक टेष्ट (आरडिटी) परीक्षण गरिएको छ।</p>
<p>चैत महीनामा भारत एवं विदेशबाट आएकाहरू र क्वारेन्टाइनमा बसेकाहरूमा कोरोना भाइरस संक्रमण छ/छैन थाहा पाउन प्रदेशका ११ वटै जिल्लामा र्‍यापिड टेष्‍ट भइरेहको हो। </p>
<p>हिजो, १ बैशाख साँझसम्म कास्कीमा ८०, स्याङ्जामा २०९, तनहुँ ७९, लमजुङ १०८, गोर्खा २८ र पर्वतमा २३९ जनाको आरडिटी परीक्षण गरिसकिएको छ।</p>
<p>त्यसैगरी म्याग्दीमा ५२, बाग्लुङ ९११, नवलपुर ६९ र मुस्ताङमा सातजनाको परीक्षण गरिएको निर्देशनालयले जनाएको छ।</p>
<p>परीक्षण गरेकाहरु सबैको नतिजा नेगेटिभ आएको आरडिटी परीक्षण गर्ने गरिएको निर्देशनालयका निर्देशक डा. विनोविन्दु शर्माले जानकारी दिनुभयो । <em>रासस</em></p>
प्रतिक्रिया दिनुहोस्
.jpg)
