कोरियाले नेपाली कामदारलाई ५० दिन भिसा थप्ने
<p>काठमाडौं। दक्षिण कोरियाले रोजगारीका लागि इपीएस प्रणालीमार्फत कोरियामा रोजगारी गरिरहेका नेपाली कामदारलाई ५० दिन भिसा थप्‍ने निर्णय गरेको छ। </p>
<p>कोरियाको श्रम मन्त्रालयका अनुसार १४ अप्रिल (आज) देखि लागू हुने गरी इपीएसमार्फत कोरिया आएर भिसा अवधि सकिन लागेका नेपालसहित १५ मुलुकका प्रवासी कामदारलाई ५० दिनको भिसा थप हुने भएको हो ।</p>
<p>उनीहरू कोभिड-१९ को महामारीका कारण स्वदेश फर्कन सकेका छैनन्।</p>
<p>इपिएस प्रणालीमार्फत कोरिया आएर रोजगारी गर्ने मजदुरले कोरियामा चार वर्ष १० महिना मात्र बस्‍न पाउने नियम छ । </p>
<p>सोही नियमअनुसार चार वर्ष १० महिना अवधि पूरा भएका कामदार स्वदेश फर्कनुपर्छ । चार वर्ष १० महिना अवधि पूरा भएर पनि कोभिड-१९ को महामारीका कारण स्वदेश फर्कन नसकेका १८ हजार पाँच सय प्रवासी मजदुर (इ-९) लाई यो निर्णयले सहज बनाएको छ । </p>
<p>यसअघि फेब्रुअरीमा पनि ५० दिन भिसा थप्‍ने निर्णय भएको थियो ।<em><strong> रासस</strong></em></p>
प्रतिक्रिया दिनुहोस्
.jpg)
