कंचनपुरमा क्वारेन्टाइनबाट बिहानै भागेका दाजुभाइलाई पुन: फर्काइयो
<p>कैलाली। बेदकोट नगरपालिका-९ सुन्दरपुर तालिम केन्द्र क्वारेन्टाइनबाट आज बिहान भागेका दाजुभाइलाई प्रहरीले नियन्त्रणमा लिएर पुन: क्वारेन्टाइनमा राखेको छ।</p>
<p>२० चैतमा कंचनपुरको दोधाराचाँदनी हुँदै लुकिछिपी नेपाल छिरेका उनीहरू क्वारेन्टाइनमा बस्दै आएका थिए।</p>
<p>तर, आज बिहान २ बजेतिर छतबाट हामफालेर भागेका उनीहरूलाई र वडा अध्यक्ष रामसिंह धामीले प्रहरीको सहयोगमा घर नजिकैको झाडिमा लुकेर बसेको अवस्थामा फेला पारेका थिए।</p>
<p>वडा अध्यक्ष धामीले क्वारेन्टाइनबाट भागेको थाहा पाउने बित्तिकै खोजबिन झाडिमा लुकेको अवस्था फेलापारी बिहान पौने १० बजे क्वारेन्टाइनमा राखिएको बताएका छन्।</p>
<p>उनीहरू घर भने नआएको परिवारका सदस्यले बताएका छन्।</p>
<p>ती दाजुभाइसहित १५ जनालाई सशस्त्र प्रहरीले नियन्त्रणमा लिएर सुन्दरपुर क्वारेन्टाइनमा पुर्‍याएको थियो।</p>
प्रतिक्रिया दिनुहोस्
.jpg)
