१५ वैशाखसम्म लकडाउन लम्ब्याउने सरकारको निर्णय
<p>काठमाडौं। सरकारले १५ वैशाखसम्म लकडाउन बढाउने निर्णय गरेको छ।</p>
<p>आज बसेको मन्त्रिपरिषद्को बैठकले १२ दिन लकडाउन बढाउने निर्णय गरेको भूमि, व्यवस्था, सहकारी तथा गरिबी निवारण मन्त्री पद्माकुमारी अर्यालले जानकारी दिइन्।</p>
<p>मन्त्रिपरिषद बैठकले लकडाउन लम्बाउने निर्णय गरेको यो चौँथो पटक हो।</p>
<p>तेस्रो पटकसम्म गरिएको लकडाउन भोलि ३ वैशाख राति १२ बजे सकिँदै थियो।</p>
<p>आज बसेको मन्त्रिपरिषद् बैठकले १५ वैशासम्म लकडाउनलाई निरन्तरता दिने निर्णय गरेको हो।</p>
<p>सरकारले पहिलोपटक ११ चैतदेखि लकडाउन लागू गरेको थियो। </p>
<p>नेपालमा कोरोना भाइरसको संक्रमणको जोखिम बढेपछि लकडाउन गरिएको हो।</p>
<p>अहिलेसम्म १६ जनामा यसको संक्रमण देखिएको छ। यसमध्ये एक जना निको भएर घर फर्किसकेका छन् भने बाँकीको उपचार भइरहेको छ।</p>
<p>पछिल्लोपटक आज काठमाडाैंको सनसिटी अपार्टमेन्टमा बस्ने दुई जनामा कोभिड-१९ देखिएको छ।</p>
<p>उनीहरू ५ चैतमा बेलायतबाट आएको बुझिएको छ। संक्रमितहरू आमाछोरा हुन्। </p>
प्रतिक्रिया दिनुहोस्
.jpg)
