भारतमा काेभिड-१९: २४ घण्टामा एक हजार २११ नयाँ संक्रमित थपिए
<p>भारत। भारतमा २४ घन्टामा ‘कोभिड-१९’ संक्रमितको संख्यामा एक हजार २११ जना नयाँ थपिएका छन्।</p>
<p>भारतमा कोरोना भाइरसका संक्रमितको संख्या १० हजार ३६३ पुगेको भारतीय स्वास्थ्य तथा परिवार कल्याण मन्त्रालयले आज बिहान जानकारी दिएको छ।</p>
<p>उक्त मन्त्रालयका अनुसार गएको २४ घन्टायता मृत्यु हुनेको संख्या ३१ रहेको पाइएको छ। योसँगै भारतमा कोरोना संक्रमणबाट ज्यान जानेको संख्या ३३९ पुगेको छ।</p>
<p>भारतमा देखिएका यी संक्रमितहरूमध्ये एक हजार ३६ जना उपचारपछि फर्किएकाे जनाइएको छ। हाल ८ हजार ९८८ जना कोरोना भाइरस संक्रमितहरू उपचाररत छन्।</p>
<p>भारतको महाराष्ट्र राज्यमा कोभिड-१९ का संक्रमितहरू दिन प्रतिदिन बढ्दै गएका छन्। महाराष्ट्र राज्यमा मात्र संक्रमितहरूको संख्या २ हजार ३३४ जना पुगेको समाचारमा जनाइएको छ।</p>
<p>महाराष्ट्रपछि सबैभन्दा बढी कोरोना संक्रमित नयाँ दिल्लीमा छन्। नयाँ दिल्लीमा मात्र यसका एक हजार ५१० जना संक्रमित छन्। त्यसैगरी तमिलनाडूमा एक हजार १७३ संक्रमित छन्।</p>
<p>राजस्थान, मध्यप्रदेश, तेलङ्गना, गुजरात र छत्तीसगढ राज्यमा पनि कोभिड-१९ संक्रमितहरू भेटिएका छन्। <em>रासस</em></p>
प्रतिक्रिया दिनुहोस्
.jpg)
