अमेरिकामा कोरोना कहर : अस्पतालका कोठादेखि पार्किङ स्थलसम्म शव
<p>अमेरिका। अमेरिकाको डेट्रोइटस्थित सिनाई-ग्रेस अस्पतालको आपतकालीन कक्षका कर्मचारीबीच सेयर गरिएका अप्रिलको शुरुवातका केही तस्वीरले कोभिड-१९ बाट ग्रसित अमेरिकी समाजको विदिर्ण चित्र देखाउँछन्।</p>
<p>अस्पतालका खाली कोठा र पार्किङ स्लटमा कोभिड-१९ बाट मृत्यु भएकाहरूका शव राखिएको छ।</p>
<p>सीएनएनले यी तस्वीर अस्पतालका कर्मचारीमार्फत प्राप्त गरेको हो। अस्पतालका कर्मचारीहरूका अनुसार उनीहरूलाई अध्ययन र आराम गर्न छुट्याइएका कोठामा कोभिड-१९ का मृतकको शव राख्‍ने गरिएको छ। खासगरी, मुर्दाघरका कर्मचारी राति काम गर्दैनन्। र, मुर्दाघर पनि खाली छैनन्।</p>
<p>एउटा तस्वीरमा दुईवटा शव बिछ्यौनामा राखिएको छ र अर्को एउटालाई बिछ्यौनासँगैको कुर्सीमा। तीनवटै शव सेतो कपडामा प्याक गरिएको छ।</p>
<p>‘हामीले बाहिर फ्रिजर पाएनौं, मुर्दाघरका कर्मचारीले राति काम गर्दैनन्,’ अस्पतालका एक कर्मचारीले सीएनएनसँग भने, ‘त्यसैले शवहरूलाई यहाँ राख्‍नु परेको हो।’</p>
<p>उक्त घटना सार्वजनिक भएलगत्तै शवहरूको व्यवस्थापनका लागि शहरका दुई अस्पतालले पोर्टेबल रेफ्रिजरेटर खरिद गरेका छन्। गत शनिवार सीएनएन संवाददाता ती अस्पतालमा पुग्दा पार्किङ लटमा पाँचवटा रेफ्रिजरेटर ल्याएर राखिसकिएको थियो।</p>
<p style="text-align:center"><img alt="" height="366" src="https://www.dekhapadhi.com/storage/photos/shares/COVID-19/Dead body 01.jpg" width="650" /></p>
<p>अर्को तस्वीरमा कपडामा बेरी आपसमा टँसाएर राखिएका शवहरू देखिन्छन्। अस्पतालको यो युनिट पूर्ण वातानुकुलित छ। कोभिड-१९ का मृतक बढ्दै गर्दा शवहरूलाई अव्यवस्थित ढंगले राख्‍नु परेको आकस्मिक कक्षका दुई कामदारले बताए।</p>
<p>शवहरूको व्यवस्थापनका लागि मद्दत गर्ने लिफ्टसम्म उपलब्ध नभएको उनीहरूको भनाइ थियो।</p>
<p>अस्पतालका प्रवक्ता ब्रायन टेलरले अस्पतालमा आएका बिरामीलाई उनीहरू डिस्चार्ज नहुन्जेल स-सम्मान उपचार गर्ने गरिएको बताए। न्युयोर्कलगायत अन्य शहरको तुलनामा आफ्नो अस्पतालमा कोभिड-१९ का कारण मृत्यु भएकाहरूको शव व्यवस्थापनका लागि मोबाइल रेफ्रिजरेटरलगायत सुविधा उपलब्ध रहेको उनको भनाइ थियो।</p>
प्रतिक्रिया दिनुहोस्
.jpg)
