प्रदेश १ बाट ६५३ मध्ये परीक्षण सकिएका ६४१ जनाको रिपोर्ट नेगेटिभ, आशंकित १० जना आइसोलेसनमा
<p>विराटनगर। प्रदेश १ मा कोभिड-१९ परीक्षण सकिएका ६४१ जनाको रिपोर्ट नेगेटिभ आएको छ।</p>
<p>अनुसार प्रदेशभरी हिजो, २ वैशाखसम्म ६५३ जनाको नमुना संकलन गरिएकोमा १२ जनाको रिपोर्ट आउन बाँकी छ।</p>
<p>मुख्यमन्त्री तथा मन्त्रिपरिषद् कार्यालयका सचिव भरतमणि रिजालका अनुसार प्रदेशमा २५१ जनाको थ्रोट स्वाब नमूना संकलन गरिएको छ।</p>
<p>२३९ जनाको पीसीआर मेसिनमा गरिएको परीक्षणको रिपोर्ट नेगेटिभ देखिएको रिजालले बताए। १२ जनाको परीक्षण भइरहेको छ।</p>
<p>बिपी कोइराला स्वास्थ्य विज्ञान प्रतिष्ठान धरान र विराटनगरस्थित कोशी अस्पतालमा पीसीआर विधिबाट परीक्षण भइरहेको छ।</p>
<p>४०२ जनाको र्‍यापिड डायग्नोष्टिक टेष्ट (आरडिटी) गरिएकोमा सबैको रिपोर्ट नेगेटिभ आएको छ।</p>
<p>प्रदेशका सबै जिल्लामा क्वारेन्टाइनमा बसिरहेका र विदेशबाट आएकाहरुको आरडिटी बिधिबाट परीक्षण भइरहेको छ।</p>
<p>अहिले कोभिड-१९ आशंकामा ४ महिला र ६ पुरुष विभिन्न अस्पतालको आइसोलेसनमा उपचार गरिरहेका छन्।</p>
प्रतिक्रिया दिनुहोस्
.jpg)
