कोभिड-१९ नियन्त्रणमा सहयोग पुर्याउन टेलिकमले मोबाइलबाटै शुरू गर्यो सर्वेक्षण
<p>काठमाडौं। कोभिड-१९ नियन्त्रणमा सहयोगका लागि नेपाल टेलिकमले मोबाइलबाट सर्वेक्षण शुरू गरेको छ।</p>
<p>टेलिकमले आफ्नो कम्पनीका मोबाइल प्रयोगकर्ताहरूलाई *1419# डायल गरी सोधिएका प्रश्‍नहरूको जवाफ दिने व्यवस्था मिलाएको छ।</p>
<p>टेलिकमले कोरोना भाइरस संक्रमणसँग मिल्दोजुल्दो लक्षणसँग सम्बन्धित प्रश्नावली तयार पारेको छ।</p>
<p>आफ्नो फेसबुक पेजमार्फत् नेपाल टेलिकमले पहिलो चरणमा सर्वेक्षण सुदूरपश्चिम क्षेत्रबाट शुरू गरेर क्रमशः प्राथमिकता अनुसार अन्य प्रदेशहरुमा संचालन गर्ने जनाएको छ।</p>
<p>सर्वेक्षणका लागि कम्पनीले सम्बन्धित प्रदेशका सबै जिल्लाहरूमा रहेका कम्पनीका मोबाइल प्रयोगकर्ताहरुलाई एसएमएस पठाउनेछ।</p>
<p>एसएमएस प्राप्त भएपश्चात *1419# डायल गरी सोधिएका प्रश्नहरुको जवाफ अंक '१' वा '२' थिचेर दिन सकिनेछ।</p>
<p>हरेक प्रश्नको उत्तर यदि ‘हो वा ‘छ’ भएमा १ र ‘होइन’ वा ‘छैन’ भएमा २ थिचेर पठाउनुपर्ने टेलिकमले जनाएको छ।</p>
<p>नेपाल सरकारको कोभिड-१९ क्राइसिस म्यानेजमेन्ट सेन्टर (सीसीएमसी) सँगको सहकार्यमा सर्वेक्षण थालिएको जनाउँदै टेलिकमले यसबाट प्राप्त हुने तथ्यांकको विश्लेषणबाट कोरोना संक्रमणको अवस्थाको बारेमा महत्वपूर्ण जानकारी पाउनुका साथै संक्रमण नियन्त्रण गर्न सहयोग पु-याउन सक्ने विश्वास गरिएको उल्लेख गरेको छ।</p>
प्रतिक्रिया दिनुहोस्
.jpg)
