सुदूरपश्चिम प्रदेश : तीन हजार ९१७ जनाको रिपोर्ट नेगेटिभ, संक्रमित पाँचजनाको स्वास्थ्य सामान्य
<p>धनगढी। कोभिड-१९ संक्रमणको बढी देखिएको सुदूरपश्चिम प्रदेशमा हिजो, २ वैशाखसम्म पाँच हजार ४६१ जनाको नमूना संकलन गरिएको छ।</p>
<p>तीमध्ये परीक्षण सकिएका तीन हजार ९१७ को नतिजा नेगेटिभ आएको छ।</p>
<p>एक हजार ५३९ को नतिजा आउन बाँकी रहेको सामाजिक विकास मन्त्रालयका सूचना अधिकारी हेमराज खड्काले बताए।</p>
<p>प्रदेशमा विदेशबाट आएर क्वारेन्टाइनमा बसेका र शंकास्पद व्यक्तिहरूको आरटीपीसीआर र आरडीटी विधिबाट कोभिड-१९ को परीक्षण भइरहेको छ।</p>
<p>दुई हजार ५२० को आरटीपीसीआर पद्धतिबाट गरिएको नमूना सङ्कलनमा ९७६ को नतिजा नेगेटिभ आएको छ भने एक हजार ५३९ को नतिजा आउन बाँकी छ।</p>
<p>यही पद्धतिबाट गरिएको नमूना परीक्षणमा पाँचजनामा कोरोना भाइरस संक्रमण यसअघि नै पुष्टि भइसकेको छ।</p>
<p>सेती प्रादेशिक अस्पताल धनगढीमा उपचाररत् कोरोना सङ्क्रमित पाँच जनाको स्वास्थ्य अवस्था सामान्य रहेको अस्पतालले जनाएको छ ।<br />
<br />
यस्तै आरडिटी पद्धतिबाट दुई हजार ९४१ को नमूना संकलन भएकोमा सबैको नतिजा नेगेटिभ आएको छ।</p>
<p>दुई दिनअघि कोरोना भएको पुष्टि भएकी कैलाली लम्कीचुहा नगरपालिकाकी महिलाको र्यापिड टेस्टका लागि रगतको नमूना र स्वाब काठमाडौँबाट आएको टोलीले सङ्कलन गरेको थियो। <em>रासस</em></p>
प्रतिक्रिया दिनुहोस्
.jpg)
