तय गरिएका सम्पूर्ण खेल अनिश्चितकालका लागि स्थगन गर्ने एएफसीको निर्णय
<p>काठमाडौं। एशियाली फुटबल संघ (एएफसी) ले आगामी दुई महीनाका लागि तय गरिएका सम्पूर्ण प्रतियोगिता अनिश्चितकालका लागि स्थगन गरेको छ।</p>
<p>मलेसियाको राजधानी क्वालालम्पुरमा मुख्यालय रहेको एएफसीले अर्को सूचना नभएसम्मका लागि कुनै पनि प्रतियोगिता सञ्चालन नगर्ने जनाएको हो।</p>
<p>एएफसीले यसअघि मे र जुन महीनाका लागि विभन्न प्रतियोगिता सञ्चालन गर्न तालिका सार्वजनिक गरेको थियो।</p>
<p>विभिन्न देशले कोभिड-१९ महामारीविरुद्ध लड्नुपरिरहेको भन्दै प्रतियोगिता स्थगनको निर्णय लिनुपरेको एएफसीले जनाएको छ।</p>
<p>सन् २०२० मा हुने भनिएको एएफसी च्याम्पियन लिग र एएफसी कप ग्रुप स्टेज प्रतियोगिता पूरा गर्नेबारे सहभागी देश तथा संघसँग समन्वय गरी विकल्प खोज्ने एएफसीले जनाएको छ। <em>रासस</em></p>
प्रतिक्रिया दिनुहोस्
.jpg)
