मुस्लिम आयोगले भन्यो- ‘क्वारेन्टाइनका लागि मदरसाका भवन उपलब्ध गराउँछौं’
<p>काठमाडौं। राष्‍ट्रिय मुस्लिम आयोगले थप क्‍वारेन्टाइनका लागि देशभरका मदरसा भवनहरू उपलब्ध गराउन सकिने जनाएको छ। </p>
<p>आयोगका अध्यक्ष समिम मियाँ अन्सारीले विज्ञप्तिमार्फत सरकारले थप क्‍वारेन्टाइनको व्यवस्थापन गर्न आवश्यक ठानेमा पहल गर्ने बताएका हुन्। कोरोना भाइरसको संक्रमण नेपालमा पनि बढ्दो देखिएको अवस्थामा देशभर थप क्‍वारेन्टाइन आवश्यक पर्ने आयोगको ठहर छ।</p>
<p>देशभरि पर्याप्त संख्यामा होस्टेलसमेत मदरसामा उपलब्ध छन्। ती मदरसामा भान्साघर, शौचालय, स्‍नानकक्ष, बिजुली, खानेपानी आदिको व्यवस्थासमेत रहेकाले सहज हुने बताइएको छ। त्यसरी नै पर्याप्त आकारका मैदान पनि ती मदरसामा उपलब्ध छन्। </p>
<p>राज्य विपदमा रहेका बेला क्‍वारेन्टाइन प्रयोजनका लागि आफ्ना मदरसा भवन उपलब्ध गराएर सहयोग गर्न चाहने व्यवस्थापन समितिहरूले आयोगमा यथाशीघ्र सम्पर्क गर्न पनि आग्रह गरिएको छ। आयोगले सबैलाई आ-आफ्नो ठाउँबाट सरकारलाई सहयोग गर्न भनेको छ।</p>
प्रतिक्रिया दिनुहोस्
.jpg)
