सनसिटी अपार्टमेन्टको ब्लक 'ए' मा सबैको टेष्ट नेगेटिभ, परीक्षणपछि खुशीको माहोल (भिडिओसहित)
<p>काठमाडौं। काठमाडौंको पेप्सीकोलास्थित सनसिटी अपार्टमेन्टमा र्‍यापिड टेष्‍ट विधिबाट कोभिड-१९ को परीक्षण गर्दा 'ब्लक ए' मा बस्‍ने सबैजनाको नतिजा नेगेटिभ आएको छ।</p>
<p>अपार्टमेन्टमा बस्ने दुईजनामा हिजो, २ वैशाखमा कोभिड-१९ पुष्‍टि भएपछि त्यहाँ बस्ने सबैजनामा परीक्षण गर्ने योजना बमोजिम आजबाट र्‍यापिड टेष्‍ट शुरू गरिएको हो। </p>
<p>त्यहाँस्थित <em>देखापढी</em> सहकर्मी <strong>मिताली ओली</strong>का अनुसार पाँच ब्लक रहेको अपार्टमेन्टमा पहिलो चरणमा 'ब्लक ए' मा परीक्षण गरिएको थियो।</p>
<p>संक्रमित एकै परिवारका दुईजना व्यक्ति सोही ब्लकको १५औं तलामा बस्दै आएका थिए। त्यसैले 'ब्लक ए' बाटै र्‍यापिड टेष्‍ट थालिएको हो। सो ब्लकका परीक्षण गरिएका २५० जनाको रिपोर्ट नेगेटिभ आएको छ।</p>
<p><img alt="" height="640" src="https://www.dekhapadhi.com/storage/photos/shares/COVID-19/0 suncity/suncity 12.jpg" width="960" /></p>
<p>र्‍यापिड टेस्टमा कसैलाई पोजिटिभ देखिएमा उनीहरूको स्वाबको नमूना पीसीआर विधिबाट पुन: परीक्षण गरिनेछ।</p>
<p>पाँच वटा ब्लक रहेको उक्त अपार्टमेन्टमा करीब ५०० फ्ल्याट छन्।</p>
<p>५ चैतमा बेलायतबाट आएका एकै परिवारका तीन जनामा र्‍यापिड टेस्ट गर्दा १ वैशाखमा कोरोना पोजिटिभ देखिएपछि उनीहरूको पुन: पीसीआर विधिबाट परीक्षण गरिएको थियो।</p>
<p>हिजो तीनमध्ये दुईजनामा कोभिड-१९ पुष्‍टि भएको हो।</p>
<p><iframe frameborder="0" height="550" scrolling="no" src="https://www.youtube.com/embed/km4Rpa2Q0kI" width="790"></iframe></p>
प्रतिक्रिया दिनुहोस्
.jpg)
