महामारीविरुद्ध लड्न अत्यावश्यक औषधीको सूची तयार गर्दै सरकार
<p>काठमाडौं। सरकार कोरोना भाइरस (कोभिड-१९) विरुद्ध लड्न चाहिने अत्यावश्यक वस्तुको सूची तयार गर्न जुटेको छ।</p>
<p>महामारीविरुद्ध लड्न चाहिने औषधीको सूची तयार गरेर आवश्यक पर्ने परिमाणको व्यवस्थापनमा सरकार जुटेको हो।</p>
<p>त्यसका लागि उद्योग, वाणिज्य तथा आपूर्ति मन्त्रालयले एउटा समिति नै बनाएको छ।</p>
<p>डा. भगवान कोइरालाको नेतृत्वमा बनेको समितिले कोभिड-१‍९ विरुद्ध लड्न प्रभावकारी हुने औषधीको सूची तयार पार्नेछ।</p>
<p>उक्त समितिले सूची तयार पारेपछि आवश्यक पर्ने परिमाण जुटाउनसमेत समिति लागिपर्ने औषधी व्यवस्था विभागका सूचना अधिकारी सन्तोष केसीले जानकारी दिए।</p>
<p>उनका अनुसार उक्त समितिले कोभिड-१९ संक्रमणको सुरुवाति अवस्थादेखि संक्रमितलाई आईसीयूमा राख्दा चाहिने औषधीहरूको सूची बनाउनेछ।</p>
प्रतिक्रिया दिनुहोस्
.jpg)
