युभेन्टस्का खेलाडी रुगानी र मटुइडी कोभिड-१९ मुक्त
<p>काठमाडौं। इटालियन सिरी ‘ए’ महारथी युभेन्टस‍्ले आफ्ना दुई खेलाडी ड्यानियल रुगानी र ब्लेज मटुइडी कोरोना भाइरस संक्रमणबाट मुक्त भएको बताएको छ।</p>
<p>युभेन्टस‍्ले दुवै खेलाडीको आज दोहोरो परीक्षण गर्दा पनि नतिजा नेगेटिभ आएको जनाएको छ। युभेन्टस‍्ले ट्विटरमा लेखेको छ, ‘‘कोभिड-१९ बाट रुगानी र मटुइडी निको भएका छन्।’’</p>
<p>गत महीना गरेको कोभिड-१९ परीक्षणमा दुवै खेलाडीको नतिजा पोजिटिभ आएको थियो। इटालियन सिरी ‘ए’ मा कोरोना भाइरस संक्रमण पोजिटिभ देखिने रुगानी पहिलो खेलाडी हुन्।</p>
<p>‘‘रुगानी र मटुइडीले कोभिड-१९ प्रोटोकलअनुसार दुईपटक स्वाब परीक्षण गरे’’, युभेन्टस‍्ले भनेको छ, ‘‘दुवैको नतिजा नेगेटिभ आएको छ। त्यसकारण दुवैलाई निको भएको छ। अब उनीहरूलाई घरमा आइसोलेसनमा बस्नु जरुरी छैन।’’</p>
<p>युभेन्टस‍्का अर्का खेलाडी पाउलो डिबालामा पनि कोरोना भाइरस संक्रमण देखिएको थियो। तर, उनी यसअघि नै पूर्ण ठिक भइसकेका छन्।</p>
प्रतिक्रिया दिनुहोस्
.jpg)
