.jpg)
औषधि व्यवस्था विभागले अनुगमन थालेपछि २० कम्पनीले लिए स्यानिटाइजर उत्पादनको अनुमति
<p>काठमाडौं। स्यानिटाइजर उत्पादनका लागि २० कम्पनीले औषधि व्यवस्था विभागबाट अनुमति लिएका छन्।</p>
<p>विषाक्त रसायनयुक्त स्यानिटाइजर बजारमा गएपछि औषधि व्यवस्था विभागले अनुगमन शुरू गरेको थियो। त्यसपछि विभागमा दर्ता हुने उद्योगको संख्या बढेको हो।</p>
<p>औषधि व्यवस्था विभागका सूचना अधिकारी सन्तोष केसीका अनुसार हाल २० कम्पनीले जेल मिसाइएको र नमिसाइएको गरी दुई प्रकारका स्यानिटाइजर उत्पादनको अनुमति लिएका हुन्।</p>
<p>अनुमति लिएका सबै उद्योगले उत्पादन थालेपछि बजारमा स्यानिटाइजरको अभाव पनि हट्दै गएको छ।</p>
<p>कोभिड-१९ महामारी विश्वभर फैलिएपछि नेपाली बजारमा पनि स्यानिटाइजरको माग निकै बढेको छ।</p>
<p>तर, मागबमोजिमको उत्पादन र आयात नहुँदा बजारमा स्यानिटाइजरको अभाव बढेको थियो।</p>
<p>औषधि व्यवस्था विभागबाट अनुमति लिएका कम्पनीहरूले विभागले बनाएको मापदण्डअनुसार ५० मिलिलिटरदेखि पाँच हजार मिलिलिटरसम्मका स्यानिटाइजर उत्पादन गर्दै आएका छन्।</p>
<p><strong>सबै उद्योग स्वदेशी</strong></p>
<p>विभागबाट अनुमति लिएका स्यानिटाइजर उत्पादन गर्ने उद्योग स्वदेशी लगानीको भएको सूचना अधिकारी सन्तोष केसीले बताए।</p>
<p>“स्वदेशी लगानीमै स्थापना भएका उद्योगमध्ये अधिकांशले स्वदेशकै कच्चा पदार्थ प्रयोग गर्दै आएका छन्”, केसीले भने।</p>
<p>विभागसँग उत्पादनको अनुमति लिएका २० उद्योगमध्ये १२ ओटा उद्योगले जेल नमिसाएको (सोलुसन) स्यानिटाइजर उत्पादन गर्दै आएका छन्।</p>
<p>त्यसैगरी, ६ उद्योगले जेल मिसाइएको र दुई उद्योगले दुवै प्रकारका स्यानिटाइजर उत्पादन गर्दै आएका छन्।</p>
<p><strong>दैनिक १० हजार बोतल उत्पादन गर्दै सरकारी कम्पनी</strong></p>
<p>नेपाल औषधि लिमिटेडले विगत एक महीनादेखि दैनिक १० हजार बोतल स्यानिटाइजर उत्पादन गर्दै आएको छ।</p>
<p>कम्पनीले हालसम्म जेल नमिसाइएको झण्डै एक लाख बोतल स्यानिटाइजर बजार पठाइसकेको कम्पनीका महाप्रबन्धक विजयरत्न बज्राचार्य बताउँछन्।</p>
<p>नेपाल औषधि लिमिटेडको दैनिक १०० मिलिलिटरका २० हजार बोतल स्यानिटाइजर उत्पादन क्षमता छ। कम्पनीले भने दैनिक १० हजार बोतल मात्रै स्यानिटाइजर उत्पादन गर्दै आएको छ।</p>
<p>लकडाउनको कारण समयमा कर्मचारी आउन नसक्ने र कच्चा पदार्थको पनि अभाव भएका कारण उत्पादन क्षमताभन्दा ५० प्रतिशत कम मात्रै उत्पादन भइरहेको बज्राचार्यले बताए।</p>
<p><strong>क-कसले लिए उत्पादनको अनुमति ?</strong></p>
<p>१. नोभा जेनेटिक<br />
२. एमडीएच फर्मास्युटिकल्स<br />
३. प्राइम फर्मास्युटिकल्स<br />
४. एभरेष्ट फर्मास्युटिकल्स<br />
५. एरो फर्मास्युटिकल्स<br />
६. सीआईटी फर्मास्युटिकल्स<br />
७. एसआर ड्रग ल्याब्रोटरी<br />
८. टाउरुस फर्मा<br />
९. नेश्नल हेल्थ केयर<br />
१०. रोडोडेन्ड्रन बायोटिक<br />
११. क्यूरेक्स फर्मास्युटिकल्स<br />
१२. आर्य फर्मा<br />
१३. टाइम फर्मास्युटिकल्स<br />
१४. समि फर्मास्युटिकल्स<br />
१५. बायोजिन रिमाइन्डस<br />
१६. नेपाल फर्मास्युटिकल्स ल्याब्रोटरी<br />
१७. भाष्कर हर्बस्युटिकल्स<br />
१८. नेपाल औषधि लिमिटेड<br />
१९. सुप्रिम हेल्थकेयर<br />
२०. डाबर नेपाल</p>
प्रतिक्रिया दिनुहोस्
.jpg)
